Dyvierhient. Fantastyka, bajavik Režysior: Nił Bierhier
U rolach: Šejlin Vudli, Tea Džejms, Kiejt Uinślet, Majłz Teler, Džej Kortni
ZŠA, 143 chv
Paśla vialikaj vajny — kab paźbiehnuć vojnaŭ u budučyni — raspracavanaja žorstkaja struktura hramadstva. Jano padzielenaje na piać frakcyj: Altruizm, Praŭdzivaść, Tavaryskaść, Erudycyju i Advahu.
Kožny padletak, jaki dasiahnuŭ 16 hadoŭ, pavinien prajści test na schilnaść da adnoj z kaštoŭnaściaŭ, a na Cyrymoni vybrać adpaviednuju (abo inšuju) frakcyju śviadoma. Bieatrys Prajor, vychavanaja ŭ Altruiźmie, choča pamianiać frakcyju, ale vyniki testu pakazvajuć, što jana dyvierhient: nie tolki śmiełaja, a jašče i schilnaja karystacca roznabakovymi viedami i dapamahać ludziam. Dyvierhienty dla takoha ładu hramadstva vielmi niebiaśpiečnyja, i, abraŭšy Advahu, Trys vymušanaja zmahacca za svajo žyćcio.
Ekranizacyja antyutopii Vieraniki Rot achoplivaje padziei pieršaj častki tryłohii.
Heta dazvalaje spadziavacca, što nieŭzabavie hledačy zmohuć ubačyć praciah fantastyčnaj sahi pra padletkaŭ. Režysier Nił Bierhier («Vobłaści ciemry», «Iluzijanist»), talenavity pastanoŭščyk zahadkavych tryleraŭ, zdoleŭ nadać knizie druhoje dychańnie. Jaho hieroi vyhladajuć bolš žyvymi i jarkimi, a vidoviščny ekšn pieramiažoŭvajecca liryčnami i atmaśfiernymi kadrami.
