Replika vialikaj impieratarskaj karony Rasijskaj impieryi, rehalii 1762—1917 hadoŭ, jakoj karanavalisia manarchi Rasii pačynajučy z Kaciaryny II Vialikaj, budzie ekspanavacca z 5 krasavika ŭ Nacyjanalnym mastackim muziei (NMM) Biełarusi.
Aryhinał impieratarskaj karony znachodzicca ŭ pastajannaj ekspazicyi ŭ skarbnicy Ałmaznaha fondu Rasijskaj Fiederacyi ŭ Maskvie. Replika była stvorana ŭ miežach prajekta śviatkavańnia 250-hodździa aryhinalnaj karony.
Pavodle słoŭ dyrektara pa pradažach juvielirnaj hrupy «Smalenskija bryljanty», kampanii, jakaja stvaryła repliku razam z VA «Kryštal» (Smalensk), Aleksieja Strielcova, pierad majstrami nie stajała zadača stvaryć dakładnuju kopiju karony, pakolki technałohii i materyjały juvieliraŭ taho času siońnia sastareli.
«My padyšli da pracy ŭžo sučasnymi mietadami, — skazaŭ jon. — Hieamietryčna i pa malunku karony supadajuć, ale materyjały i technałohii inšyja. Naprykład, aryhinalnaja karona vykanana ź sierabra. Bujny čyrvony kamień, jaki viančaje karonu, da pačatku XX stahodździa ličyŭsia rubinam. Vyśvietliłasia, što heta špiniel masaj 398,72 karata — druhaja pa vieličyni ŭ śviecie. Druhoha takoha kamienia my b nie zmahli znajści i nie stavili takuju zadaču. U replicy ŭstanoŭleny čyrvony turmalin (abo rubielit) u 384 karata. U aryhinalnaj karonie kamianioŭ mienš, ale jany bolš bujnyja. U replicy 11.426 bryljantaŭ ahulnaj karatnaściu 1.928».
Pavodle słoŭ Stralcova, replika stvarałasia na praciahu paŭhoda tvorčym kalektyvam z 60 čałaviek.
