Hramadzianin Rasii, člen rasiejskaj nieanacysckaj arhanizacyi «Čornaja sotnia» Anton Rajeŭski, znachodziačysia ŭ Adesie i vykonvajučy zadańni śpiecsłužbaŭ Rasii, sprabavaŭ stvaryć dyviersijna-padryŭnuju hrupu z žycharoŭ Adeskaj vobłaści dla destabilizacyi hramadska-palityčnaj situacyi ŭ rehijonie, paviedamlaje pres-słužba SBU.
Pavodle paviedamleńnia, zdabytyja peŭnyja dadzienyja ab padrychtoŭcy Rajeŭskim materyjałaŭ z publičnymi zaklikami da raźviazvańnia ahresiŭnaj vajny šlacham uvarvańnia na terytoryju Adeskaj vobłaści Uzbrojenych sił RF, jakija dysłakujucca na terytoryi niepryznanaj Prydniastroŭskaj Małdaŭskaj Respubliki.
Vyznačanaja hrupa pavinna była spravakavać uzbrojeny kanflikt na adnym z kantrolna-prapusknych punktaŭ na miažy z Adeskaj vobłaściu.
Znojdzienyja materyjały, jakija śviedčać ab raspalvańni mižnacyjanalnaj varožaści i jakija źmiaščajuć publičnyja zakliki da fizičnaha źniščeńnia ukraincaŭ i habrejaŭ, jakija pražyvajuć u Adesie i vobłaści.
Z metaj niedapuščeńnia ździajśnieńnia złačynstvaŭ, praduhledžanych artykułami 161 (Parušeńnie raŭnapraŭja hramadzian u zaležnaści ad ich rasavaj, nacyjanalnaj prynaležnaści abo adnosin da relihii) i 436 (Prapahanda vajny) Kryminalnaha kodeksa Ukrainy Słužba biaśpieki Ukrainy vypravadziła Antona Rajeŭskaha za miežy i zabaraniła ŭjezd va Ukrainu, havorycca ŭ paviedamleńni.
