Snajpierskija vintoŭki vyrablajuć na kijeŭskim zavodzie «Majak». Fota UkrOboronProm.
Dziaržkancern «Ukrabaronpram» spyniŭ pastaŭki zbroi i vajskovaj techniki ŭ Rasijskuju Fiederacyju.
Pra heta ŭ śviežym numary ŭkrainskaj haziety «Dzierkało tižnia» piša vykanaŭca abaviazkaŭ hienieralnaha dyrektara dziaržaŭnaha kancerna «Ukrabaronpram» Juryj Ciareščanka.
Jaho pryznačeńniu na heta post papiaredničała sieryja skandałaŭ.
Stała viadoma, što pad kiraŭnictvam novapryznačanaj (7 sakavika) kiraŭnicy «Ukrabaronprama» Valanciny Drozd i jaje pierajemnika (z 14 pa 21 sakavika) na hetaj pasadzie, nardepa ad partyi «UDAR» Siarhieja Avierčanki kancern praciahvaŭ pastaŭlać vajennaje abstalavańnie Rasii, niahledziačy na jaje ahresiju ŭ dačynieńni da Ukrainy.
«Užo siońnia, ź viadomych pryčyn, u Rasiju nie pastaŭlajucca zbroja i vajennaja technika. Da momantu deeskałacyi kanfliktu našyja adnosiny zastanucca ŭ zamarožanym stanie.
Tak, my paniasiom ekanamičnyja straty, ale chiba razumna uzbrojvać vojska voraha?» — piša Ciareščanka ŭ tydnioviku.
