Zdymačnaja kamanda rychtuje placoŭku na hanku Doma ŭrada.
Akciory kinastužki «Aviel».
Akciory i členy zdymačnaj kamandy hrejucca pierad pačatkam repietycyi sceny šturma Doma ŭrada.
Akciory kinastužki «Aviel» zajmajuć pazicyi pierad repietycyjaj sceny.
Vohnietušycieli, viodry z vadoj i koŭdry, z dapamohaj jakich buduć tušyć połymia. Pavodle scenara, pratestoŭcy zakidvajuć śpiecnaz «kaktejlami Mołatava».
Apieratary filma «Aviel».
Zbor akcioraŭ masoŭki.
Pa kamandzie masoŭka rušyła ŭ napramku Doma ŭrada.
Scena sutyjeknieńnia pratestoŭcaŭ sa śpiecnazam.
U Domie ŭradu hrejecca amon. Ci to masoŭka, ci to «na ŭsiaki vypadak».
U Minsku na płoščy Niezaležnaści pačalisia zdymki pieršych scenaŭ filma «Aviel».
U ich musiać być adlustravanyja masavyja pratesty 2010 hoda suprać falsifikacyi vynikaŭ vybaraŭ i parušeńnia pravoŭ čałavieka ŭ Biełarusi. Dziela hetaha na płoščy sabrali niekalki socień studentaŭ masoŭki.
Pierad pačatkam zdymak pierad masoŭkaj vystupiŭ pamočnik režysiora, jaki pradstaviŭsia jak Vitalij. Jon akcentavaŭ uvahu na tym, što nielha ni ŭ jakim razie kryčać «Žyvie Biełaruś!»
«Zrazumiejcie, hety film zdymajecca nie na asnovie realnych padziej, — kazaŭ jon. — Tamu nijakich «Žyvie Biełaruś!» być nie pavinna».
Ale jaki ž mitynh pratestu biez łozunhaŭ? Masoŭcy dazvolili kryčać «My protiv!» i «Čto-to nie tak!»
