Seks moža być adnym z sakretaŭ dobraha zdaroŭja, doŭhaha žyćcia i praciahłaj maładości, jak vyśvietlili daśledniki.
Akazvajecca, mužčyny, jakija čakajuć seksu i nie atrymlivajuć jaho, adčuvajuć surjoznyja niehatyŭnyja nastupstvy dla zdaroŭja, i navat chutčej starejuć.
Prynamsi, mienavita takija vyniki byli atrymanyja ŭ chodzie nazirańnia amierykanskich navukoŭcaŭ z Univiersiteta Mičyhana za muškami drazafiłami.
Tyja samcy, jakija čakali, ale nie atrymlivali sparvańnia, kali sutykalisia z seksualnymi fieramonami samak, chutka hublali ŭ vazie. U ich źnižałasia zdolnaść supraciŭlacca hoładu, i padvyšaŭsia ŭzrovień stresu, što skaračaje žyćcio.
Usio heta źjaŭlałasia nastupstvami seksualnaha ŭstrymańnia, abo frustracyi, jak nazvaŭ dadzieny fienomien aŭtar daśledavańnia doktar Skot Pletčar.
Fieramony — heta chimičnyja rečyvy, što vydzialajucca žyvym arhanizmam, jakija źmianiajuć pavodziny inšaha arhanizma taho ž vidu.
«Adznaču, što doŭhačakanaje sparvańnie dazvalała pieraadoleć niehatyŭnyja efiekty vymušanaha seksualnaha ŭstrymańnia, što adbivajucca na zdaroŭi i stareńni, — padkreślivaje doktar Pletčar.
«Naša daśledavańnie daje mahčymaść lepš zrazumieć, jak pačućciovaje ŭsprymańnie i fizijałahičny stan intehrujecca ŭ mozhu, uździejničajučy na doŭhaterminovaje zdaroŭje i praciahłaść žyćcia.
Dośledy na drazafiłach pakazvajuć, što seksualnaja frustracyja źjaŭlajecca zusim nie mifam, a realnaj pahrozaj dla zdaroŭja. Kali vy čakajecie seksu, ale nie atrymlivajecie jaho, to tym samym vaša žyćcio moža skaracicca».
Takim čynam, šmatlikija žonki, jakija rehularna admaŭlajuć svaim mužam u blizkaści, prydumlajučy to hałaŭny bol, to drenny nastroj, to raptoŭnymi miesiačnymi, całkam mahčyma, tym samym skaračajuć ich žyćcio.
I moža być, jašče i tamu mužčyny žyvuć mienš, čym žančyny.