Biełaruskaja čyhunka vydzieliła na vakzale stancyi Minsk-Pasažyrski śpiecyjalizavanuju kasu № 8 dla afarmleńnia prajaznych dakumientaŭ, apłačanych praź internet.
Pra heta paviedamlaje sajt BČ.
Z 5 śniežnia pasažyry, jakija apłacili kvitki praź internet, absłuhoŭvajucca ŭ dadzienaj kasie ŭ pieršačarhovym paradku.
Kasa raźmieščana ŭ levym kryle budynka vakzała. Režym pracy — kruhłasutkavy.
Adkryćcio śpiecyjalizavanaj kasy abumoŭlena rostam abjomu anłajn-prodažaŭ kvitkoŭ praz sajt Biełaruskaj čyhunki. Tak, u listapadzie hetaha hoda praź internet było apłačana bolš za 69 tys. prajaznych dakumientaŭ, što amal u try razy pieravyšaje ŭzrovień studzienia 2013 hoda.
Akramia taho, u Minsku z 5 śniežnia adkryty čyhunačnyja kasy pa afarmleńni prajaznych dakumientaŭ na ciahniki rehijanalnych linij ekanom-kłasa ŭ novym paviljonie na płatformie № 1 prypynačnaha punkta Instytut Kultury.
Kasy raźmieščany kala prypynku haradskoha transpartu «Tavarnaja». Čas pracy — z 6:30 da 19:20.
