Vyklučnaje prava dziaržavy (instytut śpiecimparciora) na ŭvoz ałkaholnych napojaŭ i tytuniovych vyrabaŭ moža być admieniena ŭ Biełarusi z 2015 hoda. Prajekty adpaviednych narmatyŭna-pravavych aktaŭ užo raspracavanyja.
U pryvatnaści, padrychtavany zakonaprajekt ab uniasieńni źmianieńniaŭ u zakon «Ab dziaržaŭnym rehulavańni vytvorčaści i abarotu ałkaholnaj, niecharčovaj pradukcyi z utrymańniem śpirtu i niecharčovaha etyłavaha śpirtu», pavodle jakoha praduhledžana admiena vyklučnych pravoŭ dziaržavy na ažyćciaŭleńnie impartu ałkaholnych napojaŭ z 1 studzienia 2015 hoda.
Jak paviedamiła krynica ŭ dziaržorhanach, Alaksandr Łukašenka padtrymaŭ prapanovu pa vyklučeńni ałkaholnaj pradukcyi sa śpisu vyniatkaŭ i inšych abmiežavańniaŭ (u tym liku barjeraŭ) uzajemnaha dostupu subjektaŭ pradprymalnickaj dziejnaści na rynak dziaržaŭ — členaŭ Mytnaha sajuza. Padrychtavany taksama prajekt prezidenckaha dekreta, jaki praduhledžvaje admienu vyklučnych pravoŭ dziaržavy na ažyćciaŭleńnie impartu tytuniovaj syraviny i tytuniovych vyrabaŭ z 1 studzienia 2015 hoda.
