19:25
Milicyja pryhraziła dziejničać žorstka i rašuča
Supracoŭniki pravaachoŭnych orhanaŭ buduć dziejničać žorstka ŭ tym vypadku, kali mitynhoŭcy nie vyzvalać zachoplenyja administracyjnyja budynki ŭ Kijevie, paviedamiŭ v.a. načalnika kijeŭskaj milicyi Valeryj Mazan, piša Interfaks-Ukraina.
«Milicyja pradprymaje ŭsie miery, kab hetyja mitynhi pravodzilisia ŭ mirnym rečyščy. My siły starajemsia nie ŭžyvać. Ale kali budzie parušeńnie zakona, my budziem dziejničać rašuča, žorstka … Złačyncaŭ uhavorvać nie budziem — dla hetaha ŭ nas jość usie srodki i mahčymaści, praduhledžanyja zakonam», — skazaŭ jon.
17:00
Rasiejcy na Majdanie
Što robiać na Majdanie rasiejcy i jak reahujuć na ich mitynhoŭcy?
16:55
Padziei ŭ Kijevie — videa-anłajn
14:47
Cimašenka — jeŭrapiejskim palitykam: Ź Janukovičam treba razmaŭlać pacanskaj movaj
Pradstaŭnik eks-premjera Julii Cimašenki, jakaja trymaje haładoŭku pratestu, pieradaŭ jaje list jeŭrapiejskim palitykam.
«Kali vy źbirajeciesia pravodzić pieramovy ź Viktaram Janukovičam, pamiatajcie, što hety čałaviek nie źbirajecca nikoha słuchać. Jon dakładna akreśliŭ svaju pazicyju, kali praihnaravaŭ miljony ŭkraincaŭ, što vyjšli na majdany pa ŭsioj krainie, zahadaŭ svaim deputatam nie hałasavać za zvalnieńnie ŭrada, a sam źjechaŭ u Kitaj.
Ź Janukovičam treba razmaŭlać movaju, jakuju jon razumieje — pacanskaj movaju». Cimašenka padkreśliła, što ES pavinien razmaŭlać z adkaznymi za rašeńni, to bok Janukovičam.
Ale jana kaža, što heta musić być mova žorstkich rašeńniaŭ i sankcyj.
Nahadajem, Cimašenka, jakaja adbyvaje siamihadovy termin, užo 11 dzień trymaje haładoŭku ŭ padtrymku Jeŭramadana i ciapier znachodzicca ŭ balnicy Ukrainskaj čyhunki.
Kiryła Chilko
14.39
Kijeŭ: sudovyja vykanaŭcy i cituški kala haradskoj rady
U budynak Kijeŭskaj haradskoj rady pryjšli sudovyja vykanaŭcy: siońnia budynak pavinien być ačyščany ad mitynhoŭcaŭ.
Aktyvisty Majdana nie vyklučajuć siłavoha scenara. Da Rady pryjšli taksama pravakatary i «cituški» (ukrainski varyjant «ludziej u cyvilnym»).
Videa Hanny Badziaki i Iryny Arachoŭskaj
14:38
Na Majdanie novyja namioty
Tym časam na Majdanie Niezaležnaści staviać novyja namioty, paviedamlajuć karespandenty «Našaj Nivy» z Kijeva.
14:14
Pratestoŭcy admovilisia vyzvalać kijeŭskuju meryju
Siońnia sudovyja vykanalniki pryjšli ŭ zaniatuju pratestoŭcami kijeŭskuju meryju, kab začytać sudovuju pastanovu ab zabaronie zajmać kamunalny budynak.
Užo za niekalki hadzin da naznačanaha času la dźviarej vystrailisia chłopcy ŭ armiejskich kaskach — jany rychtavalisia da mahčymaha siłavoha vyhnańnia pratestoŭcaŭ z budynka i mahčymych pravakacyj.
Adnak začytać rašeńnie pryjšła tolki sudovaja prystaŭ i niekalki milicyjantaŭ supravadžeńnia. Ich sustreli krykami «hańba». Sam praces zaniaŭ niekalki chvilin, paśla čaho sudovaja prystaŭ chutka źbiehła praz čorny ŭvachod. Nijakich kamientaroŭ pradstaŭniki ŭłady nie dali.
Pradstaŭnik Štaba revalucyi, jaki mieścicca ŭ kijeŭskaj meryi patłumačyŭ, što pratestoŭcy nie buduć vyzvalać budynak, bo ličać niezakonnym sudovaje rašeńnie.
Taksama jon paviedamiŭ, što praca kijeŭskaj administracyi nie błakavanaja — učora na pracu vyjšli amal usie supracoŭniki akramia staršyni kijeŭskaj administracyi Alaksandra Papova i jaho bližejšych paplečnikaŭ.
Pratestoŭcy zajavili, što ŭ kijevie nie isnuje samakiravańnia, i mirnym zaniaćciem administracyi jany narešcie adkryli jaho dla kijeŭcaŭ.
Kirył Chilko, Kijeŭ
13:21
Ukraina albo pojdzie nasustrač narodu, albo akuniecca ŭ chaos, zajaŭlajuć u Vašynhtonie
Pra heta zajaviła ŭ čaćvier pamočnik dziaržsakratara ZŠA Viktoryja Nułand, paviedamlaje Interfaks.
«Uvieś śviet hladzić na Ukrainu. Zaraz jana albo pojdzie nasustrač intaresam svajho naroda, albo rasčaruje jaho, tady jana moža sutyknucca z chaosam i hvałtam», — skazała jana na pasiadžeńni ABSIE ŭ Kijevie.
13:07
«Samaje vialikaje ŭražańnie ad Jeŭramajdana»
Samaje vialikaje ŭražańnie ad Jeŭramajdana … znoŭ biez zališniaj ramantyki.. u tym, što ja nie bačyła tam ni kropli ałkaholu ŭ hetaje surovaje chałodnaje nadvorje. Ni kropli ałkaholu ŭ krainie, dzie mnostva prablem vyklikana jaho złoŭžyvańniem — heta sapraŭdy vialikaja pieramoha, napisała ŭ svaim fejsbuku Anastasija Leŭchina.
12:56
12:38
Milicyja dała mitynhoŭščykam 5 dzion, kab razbłakavać Kabmin
Pra heta zajaviŭ žurnalistam v. a. načalnika HU MVS u Kijevie Valeryj Mazan, spasyłajučysia na rašeńnie sudu. Mazan zaznačyŭ, što pa zakančeńni hetaha terminu milicija budzie ŭžyvać zachady da błakavańnia budynka. Pry hetym jon nie ŭdakładniŭ, pra jakija zachady viadziecca.
12:33
Da budynka Kijeŭskaj haradskoj rady pryjšli sudovyja vykanaŭcy, siońnia budynak pavinien być ačyščany ad mitynhoŭcaŭ. Taksama paviedamlajecca, što ŭ budynak prajšli niekalki dziasiatkaŭ «citušak» (pravakataraŭ).
12:20
Unačy na Majdanie štohadzinu śpiavajuć «Šče ne ŭmerła Ukraina» pad soła Rusłany - repartaž Kiryły Chilka z Kijeva
12:16
Apazicyja padrychtavała padarunak «Bierkutu» — zakon ab rospusku
Apazicyja zarehistravała zakonaprajekt, jaki pavinien raspuścić śpiecpadraździaleńnie MUS « Bierkut». Pra heta na bryfinhu ŭ Viarchoŭnaj Radzie paviedamiŭ kiraŭnik frakcyi «Baćkaŭščyna» Arsienij Jacaniuk.
Jon nahadaŭ, što 5 śniežnia adznačajecca 25 hadoŭ z dnia stvareńnia kijeŭskaha «Bierkuta».
Mienavita z hetaha dnia apazicyja padała zakonaprajekt ab likvidacyi hetaha śpiecpadraździaleńnia. Dzie dva hałoŭnyja momanty.
«Pieršaje — likvidacyja śpiecpadraździaleńnia «Bierkut». I druhoje — pazbaŭleńnie śpiecyjalnych i voinskich zvańniaŭ usiaho radavoha i načalnickaha składu rabotnikaŭ «Bierkuta», — rastłumačyŭ Jacaniuk.
10:20
Žurnalista «Biełsata» Alesia Zaleŭskaha paprasili ŭ biełaruskim restaranie ŭ Kijevie padyści da ścianu z fatahrafijaj Uładzimira Karatkieviča i ŭśmichnucca
09:48
U Kijevie pratestoŭcy zabłakavali bazy «Bierkuta» i Unutranych vojskaŭ
Heta byŭ adkaz na infarmacyju pra mahčymy razhon Majdana.
Noč na Jeŭramajdanie Niezaležnaści prajšła spakojna.
Uranku kałony mitynhoŭcaŭ rušyli na błakadu Administracyi prezidenta dy Kabinieta ministraŭ.
Akramia taho, častka aktyvistaŭ z ułasnaj inicyjatyvy pikietuje Hienprakuraturu. Samym jaskravym momantam nočy była błakada bazaŭ śpiecnaza i Unutranych vojskaŭ. Tak heta pačynałasia, hladzicie na videa:
U horadzie Vasilkoŭ Kijeŭskaj vobłaści ludzi cełuju noč vartavali vajskovuju častku, u jakoj dysłakujucca śpiecpadraździaleńni Ministerstva ŭnutranych spravaŭ. 33 aŭtobusy ź bierkutaŭcami akazalisia zabłakavanymi. Jany nie rašylisia na kanfrantacyju.
«Kala sta čałaviek zapiačatali vyjezdy z bazy ŭłasnymi lehkavikami. Siarod mužčyn pabačyŭ i niekalki žančyn, nastrojenych nie mienš rašuča», — napisaŭ u Facebook-u deputat Viarchoŭnaj Rady ad apazicyjnaj «Baćkaŭščyny» Andrej Pyšny.
Anałahična ŭ samim Kijevie była zabłakavana baza śpiecpadraździaleńnia «Bierkut» na Čyrvonazorkavym praśpiekcie.
Kiraŭnictva vajskovych častak zachoŭvaje niejtralitet.
09:46
42-paviarchovy Pałac kultury i navuki ŭ Varšavie, jaki źjaŭlajecca samym vysokim budynkam u Polščy, učora, 4 śniežnia, byŭ afarbavany ŭ kolery ŭkrainskaha ściaha ŭ znak salidarnaści ź Jeŭramajdanam.
Inicyjatyva afarbavać budynak kolerami ściaha Ukrainy naležała meru Varšavy Chańnie Hrankievič.
«Z 17:00 da 24:00 Pałac kultury i navuki budzie aśvietleny nacyjanalnymi kolerami Ukrainy ŭ znak salidarnaści z našymi susiedziami», — napisała jana ŭ svaim Twitter.
09:34
Barykada na Majdanie. Fota z fb Rustema Adahamava.
09:15
500 čałaviek mitynhujuć pad budynkam Kabmina
Prykładna paŭtysiačy mitynhoŭcaŭ skandujuć pad Kabinietam ministraŭ u čaćvier ranicaj u Kijevie. Pra heta paviedamlaje karespandent ukrainskaj Radyjo Svaboda.
U 9.00 la budynka ŭrada pačynajecca mitynh, kałona aktyvistaŭ rušyła z Majdana Niezaležnaści da miesca mitynhu zahadzia.
U płanach pratestoŭcaŭ błakavać budynak Kabinieta ministraŭ na praciahu dnia z boku vulicy Luteranskaj. Tam usiu noč dziažuryli bierkutaŭcy, padjezdy da najbližejšych damoŭ zabłakavanyja hruzavikami i aŭtobusami.
Akramia taho, udzielniki Jeŭramajdana mieli namier błakavać budynak Administracyi prezidenta z boku Bankavaj, zrešty ciapier im pierakryli šlach kala 50 bajcoŭ unutranych vojskaŭ MUS.
09:13
Palitołah Taras Bierazaviec miarkuje, što siońnia-zaŭtra razhonu Majdana nie budzie
09:11
Jość radyjozapis pieramovaŭ «Bierkutu» padčas šturmu
Narodny deputat Anatol Hrycenka paviedamiŭ Unian, što jamu pieradali zapis radyjoabmienu kamandziraŭ «Bierkuta» padčas načnoha šturmu Majdana 30 listapada.
Pra heta jon napisaŭ na svajoj staroncy ŭ Facebook. «I ŭ Bierkucie jość prystojnyja ludzi … Hetaj nočču mnie pieradali zapis radyjoabmienu kamandziraŭ Bierkuta padčas načnoha šturmu Majdana 30 listapada. Z radyjoabmienu jasna, što heta byŭ zahadzia spłanavany napad, z vyraznaj kaardynacyjaj dziejańniaŭ asobnych hrup śpiecpadraździaleńnia. Kamandy, dakłady, charakternyja hałasy — usio heta moža dapamahčy śledstvu ŭznavić karcinu złačynstva, vyznačyć pajmienna kiraŭnikoŭ i asobnych vykanaŭcaŭ złačynnaha zahadu», — zajaviŭ Hrycenka.
09:06
Majdan u Dnieprapiatroŭsku
***
Nahadajem, što ŭčora pieršy vice-premjer Ukrainy Siarhiej Arbuzaŭ zajaviŭ, što vychadam z kryzisu mohuć być daterminovyja parłamienckija i prezidenckija vybary.
Na pytańnie žurnalista «Ludzi, jakija znachodziacca na Majdanie, bačać, što vychad ź situacyi — daterminovyja parłamienckija i prezidenckija vybary. Vy bačycie, što heta vychad z hetaha kryzisu?», Arbuzaŭ adkazaŭ: «Adnaznačna. … My pavinny pravieści pieramovy. Sieści za stoł pieramovaŭ. I tam, kali prahučać niejkija prapanovy aficyjnyja, ich abmierkavać».
«Ale vy dapuskajecie, što mohuć adbycca ŭ dziaržavie i prezidenckija vybary daterminova?» — pierapytaŭ žurnalist.
«Ja dapuskaju, što kali my siadziem za stoł pieramovaŭ, takija prapanovy mohuć prahučać. I ja liču, što my hatovyja ich ahavaryć», — zajaviŭ Arbuzaŭ.
