U Rasii praciahvajecca alimpijskaja estafieta. U niadzielu, 13 kastryčnika, pachodnia miełasia być dastaŭlena ŭ Kałuhu. Pry hetym błohiery praciahvajuć ličyć, kolki razoŭ patuch Alimpijski ahoń - mnohija kažuć ab 10 incydentach, adnak videaśviedčańni jość tolki 8.
Pačałosia ŭsio z Maskvy, dzie fakieł patuch minimum 4 razy.
Kali estafieta Alimpijskaha ahniu rušyła ŭ Padmaskoŭje, u Kałomnu, tam fakieł patuch minimum dvojčy. U Adzincova jon znoŭ zhasaje.
Vyjšaŭšy za miežy Maskoŭskaj vobłaści, u Ćvier, fakieł znoŭ uračysta patuch.
Siońnia fakieł prybudzie ŭ Kałuhu, i kolki jašče raz jon patuchnie, nieviadoma.
Dyzajniery pachodni nastojvajuć na tym, što była ŭžytaja admysłovaja schiema, pavodle jakoj u pachodni jość dva ahni, unutrany i źniešni, i kali źniešni ad vietru abo daždžu zhasaje, unutrany pavinien aŭtamatyčna jaho padpalvać. Adnak na praktycy heta pakul pracuje drenna.
Jak madernizavać fakieł padčas alimpijskaj estafiety nie ŭjaŭlajecca mahčymym.
