Devid Duchoŭny, Džylian Andersan i Krys Karter
Akciory Devid Duchoŭny i Džylijan Andersan zajavili pra svajo žadańnie źniacca ŭ trecim paŭnamietražnym filmie ź sieryi «Sakretnyja materyjały».
Pavodle słovaŭ Duchoŭny, aproč jaho i Andersan nad novym filmam hatovy pracavać viadučy scenaryst i režysior sieryjała «Sakretnyja materyjały» i abodvuch źniatych pa im poŭnamietražnych karcin Krys Karter. Ciapier, adznačyŭ akcior, usio zaležyć ad kampanii 20th Century Fox, jakoj naležać pravy na brend.
Ab nadziei źniacca ŭ jašče adnym filmie ź sieryi «Sakretnyja materyjały» Duchoŭnyja i Andersan zajavili na mierapryjemstvie ŭ honar 20-hodździa z momantu vychadu pieršaha epizodu sieryjała. Apošniaja na hety momant sieryja «Sakretnych materyjałaŭ» vyjšła ŭ 2002 hodzie, a apošni poŭnamietražny film pra Małdera i Skali datujecca 2008 hodam.
Sieryjał «Sakretnyja materyjały» (X Files) ličycca adnym z najbolš paśpiachovych televizijnych prajektaŭ za ŭsiu historyju hetaj industryi.
Jaho siužet budavaŭsia vakoł sprobaŭ dvaich ahientaŭ FBR prabracca ŭ tajamnicy uradavaj arhanizacyi, jakaja sprabuje schavać ad čałaviectva infarmacyju ab kantaktach ź inšapłaniecianami. Pavodle matyvaŭ sieryjała byli źniatyja dva poŭnamietražnyja filmy. Pieršy ź ich źjaviŭsia ŭ 1998 h. pad nazvaj «Sakretnyja materyjały: Baraćba za budučyniu», a praź dziesiać hadoŭ na ekrany vyjšła karcina «Sakretnyja materyjały: Chaču vieryć».
