Małała Jusufzaj stała simvałam zmahańnia za roŭnyja pravy dziaŭčatak na adukacyju ŭ hramadstvach, u jakich tradycyja vyznačaje žančynie druharadnuju rolu ŭ publičnym žyćci.
Małała Jusufzaj z 11 hadoŭ viała błoh dla brytanskaj miedyjnaj karparacyi Bi-Bi-Si, raspaviadajučy ab stanoviščy jaje adnahodkaŭ i baćkoŭ, jakija žyvuć u pakistanskim rehijonie Svat.
U 2012 hodzie pa Małale, jakaja viartałasia sa škoły, stralali taliby i surjozna jaje paranili. Žyćcio dziaŭčyncy ŭratavali daktary ŭ Vialikabrytanii.
U šort-list premii Sacharava, jakuju pryznaje Jeŭraparłamient, sioleta trapili i biełaruskija palitviaźni: Aleś Bialacki, Eduard Łobaŭ i Mikoła Statkievič.
Premija imia Sacharava, zasnavanaja ŭ 1998 hodzie, maje hrašovuju vartaść 50 tysiač jeŭra i źjaŭlajecca hałoŭnaj uznaharodaj ES u halinie pravoŭ čałavieka.
