Biez vyrašeńnia prablemy Julii Cimašenki pahadnieńnie ab asacyjacyi Ŭkrainy z Eŭraźviazam nia budzie padpisana.
Pra heta zajaviła na forumie ŭ Jałcie prezydent Litvy Dala Hrybaŭskajcie jak prezydent krainy, jakaja staršyniuje ŭ Eŭraźviazie.
«Kali hetaha nia budzie zroblena, podpisu (na asacyjatyŭnym pahadnieńni) nia budzie, i chaču jasna skazać — nie pavinna być iluzij, što dastatkova tolki trochi zrabić», — skazała Hrybaŭskajcie.
Prezydent Ukrainy Viktar Janukovič, u svaju čarhu, skazaŭ, što ŭ ciapierašni čas rana kazać ab vyzvaleńni eks-premjera Cimašenki, pakul nie zakrytyja inšyja jaje kryminalnyja spravy.
Pavodle Janukoviča, jašče jość čas da padpisańnia pahadnieńnia z EZ dla taho, kab znajści pravavoje rašeńnie, a pakul adkaz — ni «tak», ni «nie».
Z 19 pa 22 vieraśnia ŭ Livadzijskim pałacy prachodzić 10-ja Jałcinskaja štohadovaja sustreča «Ukraina i śviet u epochu pieramienaŭ: faktary pośpiechu».