Alaksandr Łukašenka nakiravaŭ listy kardynału Tarčyzia Bertone, jaki sychodzić z pasady Dziaržsakratara Vatykana, i pryznačanamu na pasadu Dziaržsakratara arcybiskupu Pjetra Paralinu.
«Vaša Eminencyja, u Biełarusi z razumieńniem i ščyrym škadavańniem uspryniali viestku ab Vašym rašeńni pakinuć pasadu Dziaržaŭnaha Sakratara Dziaržavy Vatykan, — havorycca ŭ liście na adras Bertone. — Šmathadovaja ruplivaja dziejnaść pryniesła Vam zasłužanuju pavahu i aŭtarytet nie tolki siarod katalickich viernikaŭ, ale i va ŭsim śviecie. Vaša dobraje staŭleńnie, adkrytaja pazicyja i ŭvaha da Biełarusi i jaje naroda značna paspryjali dalejšamu raźvićciu ščyraha siabroŭstva i davieru pamiž Respublikaj Biełaruś i Śviatym Pasadam.
Ź vialikim zadavalnieńniem mnie pryhadvajucca našy sustrečy ŭ Vatykanie i ŭ Biełarusi.
Vy stali našym dobrym siabram i zaŭsiody budziecie žadanym hościem na biełaruskaj ziamli. Prymicie, Vaša Eminencyja, pažadańni mocnaha zdaroŭja, ščaścia i dušeŭnaha spakoju, a taksama zapeŭnivańnie ŭ majoj vielmi hłybokaj pavazie. Alaksandr Łukašenka».
Varta adznačyć, što adstaŭka Bertone adbyłasia paśla šerahu skandałaŭ, źviazanych z baraćboj za ŭpłyvy ŭ atačeńni Papy.
