U ramkach čarhovaj akcyi redakcyja časopisa Arche prapanuje nabyć kamplekt ź dźviuch toŭstych knih: zbornik prac biełaruskaha historyka z polskaha Biełastoka Aleha Łatyšonka «Nacyjanalnaść — Biełarus» (2-je vydańnie) i zbor asnoŭnych tvoraŭ adnaho sa znakavych nacyjanalnych dziejačaŭ pieršaj pałovy XX st. ksiandza Adama Stankievič «Z Boham da Biełarusi».
Druhoje vydańnie knihi Aleha Łatyšonka (ahulny abjom 659 staronak) značna pašyranaje ŭ paraŭnańni ź pieršym (ahulny abjom 558 staronak) za košt uklučeńnia ŭ jaho novych prac aŭtara, što byli napisanyja ŭ apošnija hady. Niekatoryja ź ich drukujucca ŭ hetym zborniku ŭpieršyniu.
Asnoŭnyja elemienty, ź jakich składajecca kniha:
— pierakład na biełaruskuju movu hałoŭnaj na siońniašni dzień navukovaj pracy A. Łatyšonka «Ad biełych rusinaŭ da biełarusaŭ», z dadatkam paźniejšych artykułaŭ, jakija dapaŭniajuć i ŭdakładniajuć jaje źmiest;
— kompleks artykułaŭ, pryśviečanych najstaražytniejšamu pieryjadu biełaruskaj historyi, z asablivym zakranańniem prablemy narmanskaj spadčyny ŭ Biełarusi;
— kompleks artykułaŭ roznych hadoŭ, pryśviečanych pačatkam farmavańnia biełaruskaj nacyjanalnaj idei ŭ XIX i pačatku XX st., z asablivaj uvahaj na fienomieny «krajovaści» i «tutejšaści»;
— artykuły, pryśviečanyja miescu Biełarusi i biełarusaŭ u hieapalityčnych kancencyjach, u tym liku novy artykuł «Biełaruska-polskaja miaža ŭ śviatle cyvilizacyjnych teoryjaŭ».
U knihu Adama Stankieviča (ahulny abjom 1097 staronak) uvajšli:
— 12 navukova-papularnych pracaŭ A. Stankieviča na histaryčna-kulturnuju tematyku, bolšaść ź jakich pryśviečanyja razhladu žyćcia i dziejnaści znakavych dla biełaruskaj historyi i kultury dziejačaŭ: Vitaŭta Vialikaha, Franciška Skaryny, Paŭluka Bahryma, Kastusia Kalinoŭskaha, Franciška Bahuševiča, Branisłava Epimach-Šypiły, Kazimira Svajaka, Michała Zabejdy-Sumickaha i inš. Siarod inšych vyłučajecca praca «Da historyi biełaruskaha palityčnaha vyzvaleńnia» — adna ź pieršych sprob sistematyzacyi histaryčnych źviestak pra paśladoŭnaje raźvićcio biełaruskaha nacyjanalnaha ruchu ŭ XIX — pačatku XX st.;
— 4 pracy, pryśviečanyja historyi chryścijanstva i chryścijanskaha ruchu ŭ Biełarusi, siarod jakich vyłučajucca napisanyja pierad samym pačatkam Druhoj suśvietnaj vajny knihi «Chryścijanstva i biełaruski narod» i «Biełaruski chryścijanski ruch (histaryčny narys)»;
— niekalki prac, asnoŭnymi metami napisańnia jakich była dapamoha biełaruskamu katalickamu śviatarstvu ŭ praviadzieńni biełaruskamoŭnych dadatkovych nabaženstvaŭ, kazańniaŭ i navukaŭ, a taksama niasieńnie narodu śviatła Chrystovaj navuki na rodnaj movie;
— pramovy ksiandza Stankieviča padčas vykanańnia im u 1922—1927 hh. abaviazkaŭ pasła ŭ polskaha Siejma;
— prajekty pa reformie Katalickaha kaścioła ŭ Biełarusi, jakija pisalisia ksiandzom Stankievičam u apošnija hady žyćcia z metaj damahčysia ad savieckich uładaŭ stvareńnia ŭ BSSR svojeasablivaj zony relihijnaj svabody;
— kalandarnyja zapisy, jakija rabilisia A. Stankievičam z kanca 1930-ch hh. da siaredziny 1948 h. — unikalnaje, cudam zachavanaje śviedčańnie pra losavyznačalny dla Biełarusi i biełarusaŭ čas;
— dadatak da tekstaŭ samoha Adama Stankieviča — teksty ź jubilejnaha vydańnia, vydadzienaha ŭ Vilni ŭ 1940 h. u honar 25-hodździa jahonaj śviatarskaj dziejnaści.
Akcyja praciahniecca da 23 vieraśnia. Padrabiaźniej pra akcyju čytajcie tut.
