Biełaruś ažyćciaviła čarhovaje ŭ 2013 hodzie pahašeńnie asnoŭnaha fondu pa kredycie Mižnarodnaha valutnaha fondu.
«20 vieraśnia 2013 hoda Respublika Biełaruś u metach vykanańnia svaich abaviazacielstvaŭ pa kredycie stend-baj MVF praviała čarhovaje pahašeńnie asnoŭnaha doŭhu ŭ pamiery 54,7 młn. SDR (ekvivalentna 83,4 młn. dołaraŭ ZŠA)», — havorycca ŭ paviedamleńni Ministerstva finansaŭ.
Pavodle źviestak Minfina, u studzieni-lipieni ŭ miežach vykanańnia abaviazacielstvaŭ pierad MVF pa kredycie stend-baj było vypłačana 956,4 młn. dołaraŭ.
Jak vynikaje z hrafika płaciažoŭ, apublikavanaha na aficyjnym sajcie MVF, najbolšyja vypłaty ŭ 2013 hodzie prypadajuć na krasavik, červień i kastryčnik — u hetyja miesiacy Biełaruś pavinna vypłacić pa 175 młn. SDR (prykładna 270 młn. dołaraŭ pavodle najaŭnaha kursu).
Uvohule ŭ 2013 hodzie Biełaruś pavinna viarnuć MVF 1,63 młrd. dołaraŭ.
Piać tranšaŭ kredytu ŭ miežach prahramy stend-baj na 3,46 młrd. dołaraŭ Biełaruś atrymała ad MVF u 2009–2010 hadach. Asnoŭny pik vypłat doŭhu prypadaje na 2013–2014 hady, kali krainie daviadziecca viarnuć bolšuju častku pazyki.
