Suma čystaj straty arhanizacyj za studzień—lipień 2013 hoda skłała 4,2 trłn. rubloŭ, što ŭ 2,1 razu bolš, čym za studzień—lipień 2012-ha, paviedamili ŭ pres-słužbie Nacyjanalnaha statystyčnaha kamiteta.
Za siem miesiacaŭ stratnymi byli 783 arhanizacyi, abo 9,5% ad ahulnaj kolkaści arhanizacyj, što ŭličvajucca ŭ biahučym paradku (za studzień—lipień 2012 hoda — 543 arhanizacyi, abo 6,6%).
Pavialičyłasia dola stratnych pradpryjemstvaŭ u paraŭnańni z anałahičnym letašnim pieryjadam u arhanizacyjach: sielskaj haspadarki — 2,4% (1% letaś); pramysłovaści — 16,6% (10,5%); handlu, pa ramoncie aŭtamabilaŭ, bytavych vyrabaŭ i pradmietaŭ asabistaha karystańnia — 10,9% (5,8%), transpartu — 10,3% (7,5%), śfiery akazańnia kamunalnych, sacyjalnych i piersanalnych pasłuh — 8,6% (6,1%).
Rentabielnaść prodažu za studzień—lipień 2013 hoda skłała 7,3% suprać 10,9% u studzieni—lipieni 2012 hoda.