Dziaržaŭnyja VNU Mahiloŭskaj vobłaści niedabrali na dzionnaje adździaleńnie ŭ siarednim 16% biudžetnikaŭ-pieršakurśnikaŭ.
Tak, u Mahiloŭskim dziaržaŭnym univiersitecie imia Kulašova z 420 zapłanavanych na dzionnym stacyjanary miescaŭ vakantnymi zastalisia 63. Niedabor skłaŭ 15%. Pry hetym na fizika-matematyčny fakultet pryjšłasia pałova svabodnych biudžetnych miescaŭ. Da niezapatrabavanych taksama možna adnieści śpiecyjalnaści "pačatkovaja adukacyju", "infarmatyka".
U Biełaruska-rasijskim univiersitecie situacyja padobnaja. Z 500 najaŭnych dla biełaruskich pieršakurśnikaŭ vakansij zapoŭnienyja 460.
U Biełaruskaj dziaržaŭnaj sielskahaspadarčaj akademii z płanavanych 879 miescaŭ zaniatyja 624 (71%). Darečy, skaračeńnie popytu na prafiesii sielskahaspadarčaha profilu —adna z tendencyj ustupnaj kampanii-2013 na Mahiloŭščynie. Heta tyčycca jak VNU, tak i siarednich śpiecyjalnych navučalnych ustanoŭ.
Va ŭsich VNU taksama skaraciłasia kolkaść studentaŭ-zavočnikaŭ.
I ŭsio ž samy vialiki adtok - heta katehoryja płatnikaŭ. Da prykładu, bolš za 89% skłaŭ niedabor studentaŭ płatnaj formy navučańnia ŭ BDSHA, pry tym, što ŭ hetaj VNU tradycyjna samyja nizkija rascenki. Navučańnie z 1 vieraśnia składzie prykładna Br7,5 młn.
U Biełaruska-rasijskim univiersitecie zaniatki płatna pačnuć krychu bolš za 80 pieršakurśnikaŭ z 214 zapłanavanych. Tut prapanujuć samy darahi ŭ rehijonie studencki bilet: za hadavoje navučańnie pryjdziecca zapłacić u siarednim Br13 młn. 400 tys.
U Mahiloŭskim dziaržuniviersitecie charčavańnia z prapanavanych płatnikam miescaŭ zapoŭnienyja tolki 18%. Atrymańnie viedaŭ na dzionnym adździaleńni abyjdziecca ŭ sumu ad Br11 młn. 700 tys. da Br12 młn. 240 tys.
U Mahiloŭskim dziaržuniviersitecie imia Kulašova košt adukacyi krychu nižej - ad Br11 młn. 400 tys. da Br12 młn.
