U lesie zhubilisia troje dziaciej, što biehli napieradzie baćkoŭ 2

15 žniŭnia ŭ słužbu MNS pastupiła paviedamleńnie ab źniknieńni dziaciej: dźviuch dziaŭčynak 6 i 13 hadoŭ i 5-hadovaha chłopčyka.

U chodzie razboru było ŭstanoŭlena, što dzieci z baćkami prybyli na aŭtobusie z Homiela ŭ viosku Ramanovičy i nakiravalisia praź les damoŭ, u viosku Čystyja Łužy Vietkaŭskaha rajona.

U lesie dzieci išli napieradzie baćkoŭ. Baćki, pryjšoŭšy dadomu, ich nie znajšli. Z 18.00 da 20.45 svajaki samastojna šukali dziaciej.

U 20.50 na pošuki byli pryciahnuty milicyja i miascovaje nasielnictva, ratavalniki.

U 21.40 dzieci byli znojdzieny adnym ź miascovych žycharoŭ na šlachu ŭ Dobruš.

Starejšaja dziaŭčynka viedała numar telefona maci i paprasiła mužčynu patelefanavać joj, paśla čaho apošni paviedamiŭ u milicyju ab miescy znachodžańnia dziaciej. Pošuki spynilisia.

Ahulny stan dziaciej zdavalniajučy.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH