Ministr pa spravach rehijonaŭ Estonii
Na siońnia ŭ hety śpis uklučanyja 222 proźviščy, u tym liku Ivanoŭ, Piatroŭ, Sidaraŭ, Vasiljeŭ, Zajcaŭ, Sakałoŭ, Kuźniacoŭ i inšyja jak rasijskija, tak i estonskija. Pry hetym u pieralik uvajšło proźvišča Vijra, ale bolš nie ŭvachodzić Kavaloŭ/Kavalova. Papiaredni śpis proźviščaŭ zanadta šyrokaha raspaŭsiudžańnia byŭ zaćvierdžany ŭ 2010 hodzie.
Jak rastłumačyli ŭ viedamstvie, takaja miera dazvolić pieraškodzić pavieličeńniu kolkaści vielmi raspaŭsiudžanych proźviščaŭ (bolš za 500 čałaviek), užo zarehistravanych u Estonii.
Mahčymaść pamianiać proźvišča ŭ Estonii dajecca adnojčy, za vyklučeńniem rehistracyi šlubu. Kožny hod kala tysiačy čałaviek atrymlivajuć dazvoł na źmienu imieni ci proźvišča.
Pavodle dadzienych estonskaha rehistra nasielnictva, samym raspaŭsiudžanym u krainie zastajecca proźvišča Ivanoŭ. Jaho nosiać kala 7 tys. žycharoŭ krainy.