U Biełarusi zaćvierdžana Kancepcyja baraćby z teraryzmam. Adpaviednaja pastanova № 658 ad 25 lipienia za podpisam prem'jer-ministra Biełarusi Michaiła Miaśnikoviča raźmieščana 31 lipienia na Nacyjanalnym infarmacyjnym pravavym partale.
U Kancepcyi akreśleny asnoŭnyja tendencyi sučasnaha teraryzmu, źniešnija i ŭnutranyja krynicy terarystyčnaj pahrozy.
U jakaści ŭnutranych krynic terarystyčnaj pahrozy ŭ Biełarusi ŭ dakumiencie ŭkazany «farmiravańnie, praniknieńnie abo raspaŭsiudžvańnie ideałohii ekstremizmu, sieparatyzmu, nacyjanalnaj, rasavaj i relihijnaj niacierpimaści, uźniknieńnie abo niezakonnaja dziejnaść arhanizacyj, hrup, asobnych asob, jakija prytrymlivajucca i prapahandujuć ukazanuju ideałohiju, a taksama funkcyjanavańnie destruktyŭnych kultaŭ i psieŭdarelihijnych hrup».
Krynicaj terarystyčnaj pahrozy taksama nazyvajecca vykarystańnie ŭ palityčnaj, hramadskaj i inšaj dziejnaści «mietadaŭ, zahadzia skiravanych na destabilizacyju stanovišča ŭ Respublicy Biełaruś, štučnaje nahniatańnie napružanaści ŭ hramadstvie, jakoje stvaraje pahrozu biesparadkaŭ, što supravadžajucca nasillem z boku hrupy asob i arhanizacyj, u vyniku jakich moža paŭstać niebiaśpieka dla žyćcia i zdaroŭja ludziej, terytaryjalnaj cełasnaści i isnavańnia dziaržavy».
U dakumiencie taksama adznačajecca, što ŭnutranaj krynicaj uźniknieńnia terarystyčnaj pahrozy moža stać «pasłableńnie patryjatyzmu i tradycyjnych maralnych kaštoŭnaściaŭ siarod moładzi