U pracu transpartu ŭ Minsku 2–5 žniŭnia ŭnosicca źmieny ŭ suviazi z kapitalnym ramontam praśpiekta Niezaležnaści, paviedamili na pradpryjemstvie «Minsktrans».
Z 22.00 žniŭnia 2 da 5.00 5 žniŭnia całkam zakryvajecca ruch na ŭčastku praśpiekta ad vulicy Janki Kupały da vulicy Kazłova. Ruch aŭtobusaŭ maršrutaŭ № № 18, 26 arhanizujecca pa vulicach Zacharava, Pieršamajskaj, Ź.Biaduli, Kazłova, praśpiekcie Mašerava ŭ abodvuch napramkach z vykanańniem na źmienienym učastku prypynačnaha punkta «prasp. Niezaležnaści» ŭ napramku pasiołka Navinki, «Kazłova» — u napramku DS Uschodniaja.
Ruch aŭtobusaŭ № № 100 i 115E arhanizujecca ŭ abodvuch napramkach pa praśpiekcie Niezaležnaści, vulicach Ja.Kupały, Pieršamajskaj, Ź.Biaduli, Kazłova, praśpiekcie Niezaležnaści i dalej pa maršrutach biez prypynkaŭ na źmienienym učastku.
Pryharadnyja aŭtobusy № 300E ad aŭtavakzała «Centralny» buduć chadzić pa vulicach Babrujskaj, Uljanaŭskaj, Pieršamajskaj, Ź.Biaduli, Kazłova, praśpiekcie Niezaležnaści i dalej pa maršrucie, u zvarotnym napramku — pa praśpiekcie Niezaležnaści, vulicach Kazłova, Źmitraka Biaduli, Pieršamajskaj, Uljanaŭskaj, Śviardłova, praśpiekcie Niezaležnaści, vulicy Bobrujskaj.
