Mierkiel abaraniaje dziejańni amierykanskich śpiecsłužbaŭ 2

Kanclerka Niamieččyny Anhieła Mierkiel vystupiła ŭ abaronu supracoŭnictva niamieckich i amierykanskich śpiecsłužbaŭ. Jana skazała, što paraŭnańnie dziejańniaŭ Ahienctva nacyjanalnaj biaśpieki (ANB) ZŠA sa «Štazi» niekarektnaje i zamylvaje vočy. Amieryka — samy vierny sajuźnik Hiermanii voś užo doŭhija hady. A dziejańni raźviedki byli skiravanyja pieradusim na baraćbu z teraryzmam, a nie na likvidacyju palityčnych apanientaŭ, jak byłoj HDR.

Hetyja mierkavańni Mierkiel vykazała napiaredadni vizitu ministra ŭnutranych spravaŭ FRH Hansa-Petera Frydrycha ŭ Vašynhton, dzie havorka pojdzie taksama pra spravu Snoŭdena i jahonych vykryćciaŭ. Na dumku niamieckaj sacyjał-demakratyčnaj apazicyi, Mierkiel i kiraŭnik jaje administracyi Ronald Pafała nie mahli nie viedać pra dziejańni ANB, ale zapluščvali na heta vočy.

Z dakumientaŭ Snoŭdena vynikaje, što ŭ Hiermanii amierykancy pierachoplivali kala 500 miljonaŭ telefanavańniaŭ i mejłaŭ za miesiac.

Pravyja koły ličać, što takaja pilnaść kaniečnie nieabchodnaja ŭ baraćbie z teraryzmam i sa sprobami raźviedak varožych krain praniknuć u siaredzinu dziaržaparata krain NATA.

0

0

0

0

0

0

SH

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH