Haražnyja kaapieratyvy ŭ Minsku praviarajuć na najaŭnaść nielehalnych STA

Pra heta karespandentu BIEŁTA paviedamiŭ načalnik dziaržaŭnaj ustanovy «Upraŭleńnie bytavoha i haściničnaha absłuhoŭvańnia nasielnictva Minharvykankama» Andrej Novikaŭ.

Stvorana haradskaja mižviedamasnaja hrupa pa abśledavańniu haražnych masivaŭ, u skład jakoj uvajšli pradstaŭniki orhanaŭ unutranych spraŭ, padatkovaj, ziemleŭparadkavalnaj i sanitarna-epidemijałahičnaj słužbaŭ, MNS, Enierhanahladu. Ich meta — spynić fakty nielehalnaha akazańnia pasłuh pa ramoncie aŭtamabilaŭ.

Užo pravierana čatyry kaapieratyvy — «Sierpancin», «Sokał-Centr», «Śvisłač-2008», «Malinaŭka». Vyjaŭleny vypadki vykarystańnia haražoŭ nie pa pramym pryznačeńni, parušeńni prapusknoha režymu, zachoŭvańnia na terytoryi biezhaspadarnych aŭtamabilaŭ, parušeńni praviłaŭ supraćpažarnaj biaśpieki, sanitarna-hihijeničnych patrabavańniaŭ. Pa vynikach kantrolnych mierapryjemstvaŭ vyniesienyja try pastanovy ab nakładańni administracyjnaha spahnańnia, viaducca dva administracyjnyja pracesy. U dačynieńni da adnoj fizičnaj asoby vyniesiena papiaredžańnie, staršyniam kaapieratyvaŭ vydadzieny rekamiendacyi ab likvidacyi parušeńniaŭ.

Akramia taho, u mai-červieni pravodziŭsia manitorynh dziejučych stancyj techničnaha absłuhoŭvańnia. Niekatoryja abjekty akazvali asobnyja pasłuhi pry adsutnaści siertyfikata adpaviednaści.

Pa słovach Andreja Novikava, śfiera aŭtaservisu pryvabnaja dla biźniesu. Ziamielnyja ŭčastki, vystaŭlenyja na aŭkcyjony dla akazańnia takich pasłuh, karystajucca popytam. U 2012 pradadziena siem placovak, u biudžet pastupiła Br5 młrd., u 2013-m — 4, pastupiła ŭ biudžet bolš jak Br7 młrd. U bližejšyja dva-try hady ŭ horadzie pabudujuć 15 šmatfunkcyjanalnych kompleksaŭ pa absłuhoŭvańni aŭtamabilaŭ. Tut budzie akazvacca šyroki śpiektr pasłuh dla aŭtaŭładalnikaŭ. U Minsku ŭžo funkcyjanuje niekalki padobnych abjektaŭ, čakajecca, što ich stanie jašče bolš. Jak pakazvaje analiz najaŭnaha aŭtaparka (u stalicy zarehistravana bolš za 700 tys. mašyn), u horadzie nieabchodna stvaryć 45–50 takich kompleksaŭ.

Razam z tym aktualnaj prablemaj zastajecca cieniavy rynak. Pavodle acenak śpiecyjalistaŭ, 50% STA pracujuć nielehalna ŭ haražnych kaapieratyvach.

«Nieabchodna zrabić bolš žorstkaj adkaznaść za niezakonnuju pradprymalnickuju dziejnaść, stymulavać pradprymalnikaŭ pracavać lehalna. Upraŭleńnie nakiravała ŭ adpaviednyja słužby svaje prapanovy dla efiektyŭnaj baraćby ź cieniavym biznesam», — adznačyŭ Andrej Novikaŭ.

Na terytoryi stalicy pracujuć 829 abjektaŭ pa ramoncie i absłuhoŭvańni aŭtamabilaŭ. U 2012 jany akazali nasielnictvu pasłuhi na sumu bolš za Br800 młrd.

BIEŁTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH