Aleksijevič atrymaje Premiju miru niamieckich knihahandlaroŭ 2

Piśmieńnica Śviatłana Aleksijevič atrymaje sioleta prestyžnuju Premiju miru, jakuju štohod prysudžaje Abjadnańnie niamieckich knihahandlaroŭ.

U abhruntavańni rady premijalnaha fondu skazana: «U svaich knihach pra Čarnobyl, pra afhanskuju vajnu, pra niaspraŭdžanyja nadziei na svabodnaje žyćcio paśla razvału SSSR jana ŭ trahičnaj ludskoj chronicy daje adčuć płyń ekzistencyjnych rasčaravańniaŭ. Śviatłana Aleksijevič u kampazicyi jaje razmovaŭ ź ludźmi, jakija lehli taksama ŭ asnovu jaje novaj knihi „Žyćcio sekand-chend“, vynajšła svoj ułasny litaraturny žanr».

Premiju miru niamieckich knihahandlaroŭ zasnavała Abjadnańnie niamieckich knihahandlaroŭ, jaje hrašovaja častka składaje 25 tysiačaŭ jeŭra. Premija budzie ŭručanaja 13 kastryčnika padčas Frankfurckaha knižnaha kirmašu na ŭračystaj cyrymonii, jakaja adbudziecca ŭ carkvie Śviatoha Paŭła.

Raniej łaŭreatami premii siarod inšych byli Hierman Hiese, Albert Švajcer, Vacłaŭ Havieł, Amos Oz, Archan Pamuk.

0

0

0

0

0

0

Radyjo «Svaboda»

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH