Biełaruś uvodzić časovuju zabaronu na vyvaz skuranoj syraviny sa svajoj terytoryi. Heta praduhledžana pastanovaj Savieta ministraŭ Biełarusi ad 14 červienia 2013 hoda № 491, paviedamiła
Zabarona na vyvaz nieapracavanych škur bujnoj rahataj žyvioły ŭstanaŭlivajecca z 20 červienia pa 1 listapada 2013 hoda.
Ministerstva zamiežnych spraŭ Biełarusi paviedamić ab hetym Jeŭrazijskaj ekanamičnaj kamisii, a taksama ŭniasie na razhlad JEEK prapanovu ab prymianieńni hetaj miery inšymi dziaržavami — členami Mytaha sajuza.
U Biełarusi dziejničajuć mytnyja pošliny na vyvaz skursyraviny z metaj praduchileńnia jaje deficytu ŭ krainie ŭ adpaviednaści z ukazam ad 1 lutaha 2011 hoda № 40 «Ab ustanaŭleńni stavak vyvaznych mytnych pošlin na skuranuju syravinu». Dakumient praduhledžvaje ŭstanaŭleńnie stavak ekspartnych mytnych pošlin na skuranuju syravinu, što vyvozicca z terytoryi Biełarusi za miežy dziaržaŭ — členaŭ Jeŭrazijskaj ekanamičnaj supolnaści.
