U Pinsku zatrymany 30-hadovy miascovy žychar, jaki zajmaŭsia vyrabam padroblenych biełaruskich hrašovych kupiur.
Jak paviedamiŭ BiełaPAN namieśnik načalnika Pinskaha mižrajonnaha adździeła Śledčaha kamiteta Dźmitryj Lira, mužčyna padazrajecca ŭ tym, što 25 maja pa miescy žycharstva z vykarystańniem kampjutarnaj techniki vyrabiŭ try banknoty vartaściu 20 tys. rubloŭ kožnaja i pieradaŭ ich svajmu znajomamu.
Toj zbyŭ falšyŭki ŭ maršrutnych aŭtobusach u Pinsku: kuplaŭ u kanduktara tałony i braŭ reštu.
Zhodna z zaklučeńniem ekśpierta, padroblenyja kupiury zroblenyja sposabam kropielna-strujnaha drukavańnia. Jany kanfiskavanyja.
27 maja Pinskim mižrajonnym adździełam SK u dačynieńni da rabotnika adnoj z pryvatnych firm raspačata sprava pa č. 1 art. 221 Kryminalnaha kodeksa (vyrab z metaj zbytu padroblenych hrošaj).
Padčas vobysku ŭ jaho kanfiskavanaja kampjutarnaja technika. Raniej mužčyna sudzimy nie byŭ.