Ministerstva adukacyi imkniecca da taho, kab košt navučańnia ŭ VNU nie mianiaŭsia na praciahu hoda, zajaviŭ ministr adukacyi Biełarusi Siarhiej Maskievič. «Sioleta my heta vytrymali. Na praciahu hoda košt nie mianiaŭsia», — skazaŭ jon.
Nahadajem, u kancy lutaha Maskievič kazaŭ, što da kanca hetaha navučalnaha siemiestra košt navučańnia ŭ biełaruskich VNU pavialičycca na 8—10%. Pavodle jaho słoŭ, heta vyklikana nieabchodnaściu pavyšeńnia zarpłaty vykładčyckamu składu ŭ suviazi z pavieličeńniem taryfnaj staŭki pieršaha razradu.
U suviazi ź mierkavanym rostam cen na navučańnie studenty-płatniki arhanizavali ŭ Biełarusi kampaniju «Za stabilnuju apłatu navučańnia!», u jakoj prapanavali z 2013 hoda pryviazać źmianieńnie koštu płatnaha navučańnia va ŭsich navučalnych ustanovach krainy vyklučna da faktyčnaj i płanavanaj inflacyi ŭ krainie i ažyćciaŭlać pavyšeńnie adzin raz u hod.
U Minadukacyi, u svaju čarhu, adznačajuć, što pryviazka źmianieńnia koštu navučańnia da ŭzroŭniu inflacyi nie moža być realizavana, bo źmianieńnie raschodaŭ na navučańnie znachodzicca ŭ zaležnaści nie tolki ad źmianieńnia cen i taryfaŭ na tavary i pasłuhi, a napramuju źviazana sa źmianieńniem umoŭ apłaty pracy vykładčykaŭ i rabotnikaŭ VNU i SSNU, u tym liku źmianieńni taryfnaj staŭki pieršaha razradu.
Košt navučańnia ŭ VNU, padviedamasnych Ministerstvu adukacyi, u dzionnaj formie atrymańnia adukacyi z 1 vieraśnia 2012 hoda składaje ŭ siarednim 9,8 młn. rubloŭ u hodi na praciahu 2012/2013 navučalnaha hoda nie źmianiałasia, choć tolki ŭ 2013 hodzie taryfnaja staŭka pieršaha razradu pavialičyłasia na 11,1% u paraŭnańni z papiaredniaj; pryrost cen i taryfaŭ u sakaviku 2013 hoda ŭ paraŭnańni sa śniežniem 2012 hoda skłaŭ 5,4%; siaredniamiesiačnaja zarabotnaja płata rabotnikaŭ u krainie pavialičyłasia za ŭkazany pieryjad na 7,4%.
Pry hetym u ministerstvie pakul nie viedajuć, ci budzie pavialičvacca košt navučańnia ŭ nastupnym navučalnym hodzie
