Miascovyja demakratyčnyja aktyvisty padavali try zajaŭki na imprezy, pryśviečanyja pamiaci achviaraŭ čarnobylskaj trahiedyi — u troch rajonach horadu i va ŭsich troch miescach, admysłova vyznačanych dla masavych akcyjaŭ rajonnymi administracyjami.
Mitynhi, pryśviečanyja pamiaci achviaraŭ čarnobylskaj katastrofy, źbiralisia arhanizavać kiraŭnik abłasnoj struktury ruchu «Za svabodu» Chrystafor Žalapaŭ — u parku imia 30-hodździa VŁKSM, i kiraŭnik abłasnoj arhanizacyi Partyi BNF Leanid Aŭtuchoŭ — u Parku kultury i adpačynku čyhunačnikaŭ. Navat pikiet u zaharadnym parku kultury i adpačynku «Mazuryna», jaki rychtavaŭ siabra KCHP BNF Jan Dziaržaŭcaŭ, apynuŭsia pad zabaronaj.
Pryčyna admovaŭ va ŭsich adkazach z rajonnych administracyjaŭ adnolkavaja — heta adsutnaść damovaŭ z medykami i milicyjaj na absłuhoŭvańnie akcyi. Damovy ŭdałosia zaklučyć tolki z kamunalnikami, astatnija adkaznyja struktury admovili zajaŭnikam na roznych padstavach.
0
0
0
0
0
0
