«Svaju zajavu kiraŭniki troch arhanizacyj — BNF, „Havary praŭdu“ i „Za svabodu“ — nazvali „Bolš Jeŭropy dla Biełarusi“, choć čytajecca jano jak „Chočam lehitymnuju dyktaturu“. Mienavita hetaja meta staić za ŭsimi słoŭnymi praktykavańniami.
Całkam vidavočna, što siońnia ŭ Jeŭropie znoŭ sprabujuć viarnucca da nie raz vyprabavanaha i nie raz pravalenaha scenara dyjałohu z dyktataram. Niekatoryja jeŭrapiejskija palityki i čynoŭniki ES „mocna stamilisia“ adstojvać svaje ž pryncypy svabody, demakratyi i pravoŭ čałavieka ŭ Biełarusi. Biełaruskija palitviaźni źjaŭlajucca ŭsiaho tolki prykraj pieraškodaj na šlachu da adnaŭleńnia raniejšych adnosin, sutnaść jakich zvodziłasia da słoŭnaj krytycy parušeńniaŭ pravoŭ čałavieka, ale pry hetym da naroščvańnia dziełavoj aktyŭnaści ŭ Biełarusi pad kantrolem dyktatury. Usio heta niaźmienna pryvodziła da ŭmacavańnia dyktatury i ŭzmacnieńnia represij».
Andrej Sańnikaŭ pierakanany: paśla 2010 hoda dyktatura ŭ Biełarusi pierajšła čarhovuju miažu, pierš za ŭsio ŭ tym, što adkryta pajšła na źniščeńnie ŭsioj apazicyi i hramadzianskaj supolnaści.
«Kali siońnia staŭleńnie Jeŭropy da Łukašenki źmienicca, dyktatura lohka dasiahnie svajoj mety. Jeŭrasajuz zasłuhoŭvaje padziaki za svaju pazicyju ŭ 2011 hodzie i ŭ pačatku 2012 hoda. Jana była pryncypovaj i ratavała žyćcia tych, chto znachodziŭsia za kratami za svaje pierakanańni. Navat rezkija zajavy, nie kažučy ŭžo pra kropkavyja sankcyi, dapamahali nam vyžyć u turmach i kałonijach. Adnak siońnia my ŭžo daŭno nie čujem takich zajavaŭ: ni z boku Jeŭrasajuza, ni z boku asobnych dziaržaŭ. Naadvarot, usio bolš emisaraŭ sprabujuć nas supakoić, pierakanać u tym, što palitviaźniaŭ
Palitviaźni praciahvajuć znachodzicca za kratami, a kantakty z dyktaturaj aktyvizujucca, kanstatuje Sańnikaŭ.
«Zajava troch palitykaŭ składziena pa ŭsich praviłach padobnych dakumientaŭ: vyrazna farmulujecca meta, a potym rabi što chočaš. Možna, vystaŭlajučy ŭmovy, spračacca z samaj metaj, havaryć ab abaronie intaresaŭ naroda, ab vysokich pryncypach demakratyi — u astatku zachavajecca sam pasył, i mienavita jon budzie vykarystoŭvacca dla apraŭdańnia zdačy pazicyj. Meta ŭ zajavie sfarmulavanaja vyrazna: poŭnamaštabny dyjałoh i supracoŭnictva z dyktaturaj. Nu, a toje, što vydajecca za piernik, i tak abmiarkoŭvajecca siońnia ŭ Jeŭropie: i vizy, i navučańnie studentaŭ, i pamiežnyja pajezdki i h.d. i da t.p.», — kaža palityk.
Lidar «Jeŭrapiejskaj Biełarusi adznačaje, što čas dla zajavy vybrany nie vypadkova:
«Zaŭtra ŭ Bruseli adbudziecca stratehičnaje pasiadžeńnie pa Biełarusi. Rašeńnie ab adnaŭleńni dyjałohu z dyktataram niekatorymi jeŭračynoŭnikami ŭžo padrychtavanaje. Patrebien „hołas hramadskaści“ ź Biełarusi. I hety hołas nie prymusiŭ siabie čakać u vyhladzie zajavy troch ab nieabchodnaści ŭznaŭleńnia „poŭnamaštabnaha dyjałohu“ z dyktataram. Adrazu skažu, što ni „Jeŭrapiejskuju Biełaruś“, ni našych niepasrednych sajuźnikaŭ na hetuju sustreču nie zaprašali i zrabili ŭsio, kab nas tam nie było».
Pakolki «Jeŭrapiejskaja Biełaruś» nie budzie prysutničać na abmierkavańni stratehičnych rašeńniaŭ, Andrej Sańnikaŭ zrabiŭ «sustrečnuju prapanovu» Jeŭrasajuzu:
«Zapatrabujcie nieadkładnaha vyzvaleńnia ŭsich
