Kancylaryja premjer-ministra Brytanii abviaściła, što baranesie Marharet Tetčer budzie arhanizavanaje cyrymanijalnaje pachavańnie z vajskovymi ŭšanavańniami.
Rašeńnie arhanizavać uračystaje pachavańnie było pryniata sa zhody karalevy Jelizaviety II.
Maštab žałobnych mierapryjemstvaŭ budzie tolki sastupać dziaržaŭnym pachavańniam, jakija ładziacca tolki ŭ vypadku śmierci členaŭ karaleŭskaj siamji.Adzinym vyklučeńniem z hetaha praviła było dziaržaŭnaje pachavańnie Ŭinstana Čerčyla ŭ 1965 h.
Žałobnaja pracesija pačniecca ad budynka brytanskaha parłamienta. Katafałk daviazie trunu ź ciełam Tetčer da carkvy Sent-Klemient-Dejns na Strendzie, dzie truna budzie pa tradycyi pierakładziena na łafiet i dastaŭlena ŭ sabor Śviatoha Paŭła, tam i projdzie panichida.
Na ŭsim šlachu pracesii pa abodva baki darohi budzie stajać łancuh vajskoŭcaŭ brytanskaj armii, fłotu i vajenna-pavietranych sił.
Na paminalnuju słužbu budzie zaprošany šyroki śpiektr pierson i arhanizacyj, źviazanych z łedzi Tetčer, havorycca ŭ zajavie Daŭninh-stryt.Paśla panichidy adbudziecca kremacyja cieła pamierłaj, kudy buduć dapuščanyja tolki jaje blizkija.
U aparacie premjer-ministra padkreślili, što ŭsia padrychtoŭka prachodzić u poŭnaj adpaviednaści z pažadańniami členaŭ siamji pamierłaj.
0
0
0
0
0
0
