6 krasavika spaŭniajecca 14 hadoŭ z dnia raptoŭnaj śmierci Hienadzia Karpienki.
Jon byŭ adnym z najbolš vydatnych, aŭtarytetnych i pavažanych biełaruskich palitykaŭ.
Hienadź Karpienka naradziŭsia 17 vieraśnia 1949 hoda ŭ Miensku. Skončyŭ Biełaruski politechničny instytut. Pracavaŭ u Instytucie jadziernaj enerhietyki Akademii navuk Biełarusi. Z 1983 hoda pracavaŭ u NVA paraškovaj mietałurhii.
U 1987–1990 hadach byŭ dyrektaram zavoda paraškovaj mietałurhii ŭ horadzie Maładziečnie.
U 1990 hodzie abrany deputatam Viarchoŭnaha Savieta
U 1996 hodzie Hienadź Karpienka byŭ adnym ź inicyjataraŭ pracedury impičmentu Łukašenki, jakuju pačali deputaty Viarchoŭnaha Savieta. Praz dva hady jon uznačaliŭ Nacyjanalny vykanaŭčy kamitet, stvorany biełaruskaj apazicyjaj. Hienadź Karpienka moh skłaści realnuju kankurencyju dziejnaj uładzie i stać prezidentam Biełarusi ŭ 2001 hodzie.
Doktar techničnych navuk,
Hienadź Karpienka pamior ad krovaźlićcia ŭ mozh ranicaj 6 krasavika 1999 hoda va ŭzroście 49 hadoŭ. Heta adbyłosia za miesiac da alternatyŭnych prezidenckich vybaraŭ, prychilniki praviadzieńnia jakich admovilisia pryznać zrolenyja Łukašenkam źmieny ŭ Kanstytucyi, jakija aznačali praciah termina jahonych paŭnamoctvaŭ na prezidenckaj pasadzie.
Praź miesiac paśla zahadkavaj śmierci palityka biasśledna źnik adzin ź jahonych najbližejšych paplečnikaŭ — Juryj Zacharanka, jašče praz paŭhoda druhi — Viktar Hančar, jaki razam ź biznesoŭcam Anatolem Krasoŭskim byŭ vykradzieny ŭ centry Mienska.
Sapraŭdnyja pryčyny śmierci Hienadzia Karpienki dahetul nieviadomyja. Jon nikoli nie žaliŭsia na svajo zdaroŭje. Svajaki i pradstaŭniki apazicyi sumniajucca ŭ naturalnych pryčynach śmierci i miarkujuć, što da jaje majuć dačynieńnie biełaruskija ŭłady.
Žonka i dzieci apazicyjnaha palityka praz stały pieraśled i cisk z boku režymu vymušanyja byli źjechać u Niamieččynu, dzie atrymali status palityčnych uciekačoŭ.
U 2009 hodzie viadomyja palityki, pradstaŭniki tvorčaj intelihiencyi i hramadskija dziejačy źviarnulisia ŭ staličny harvykankam z zaklikam nazvać imiem Hienadzia Karpienki adnu ź mienskich vulic, adnak ułady admovilisia zrabić heta.
