Hrybaŭskajcie pra Biełaruś: Meta Litvy — kanstruktyŭnyja i ŭzajemavyhadnyja adnosiny 1

Dala Hrybaŭskajcie i pasoł Evałdas Ihnatavičus.

Litva imkniecca stvarać kanstruktyŭnyja adnosiny z susiedziami, zasnavanyja na jeŭrapiejskich pryncypach, zajaviła prezident Litvy Dala Hrybaŭskajcie, uručajučy 2 krasavika ŭ Vilni davierčyja hramaty litoŭskamu pasłu ŭ Biełarusi Evałdasu Ihnatavičusu.

Jak paviedamlaje pres-słužba litoŭskaha prezidenta, Hrybaŭskajcie adznačyła, što Litvu i Biełaruś źviazvajuć ekanamičnyja, kulturnyja i tranzitnyja suviazi. Meta Litvy — kanstruktyŭnyja i ŭzajemavyhadnyja adnosiny z susiedziami, što hruntujucca na jeŭrapiejskich pryncypach i normach, skazała jana.

Hrybaŭskajcie padkreśliła, što Biełaruś źjaŭlajecca ŭdzielnicaj prahramy Jeŭrasajuza «Uschodniaje partniorstva». Samit krain Uschodniaha partniorstva projdzie ŭ Vilni ŭvosień.

Na Litvu jak na budučaha staršyniu ES (z 1 lipienia 2013 hoda) «kładziecca zadača supracoŭnictva ź Biełaruśsiu pa hetych pytańniach», dadała kiraŭnik dziaržavy.

U paviedamleńni pres-słužby Hrybaŭskajcie taksama adznačajecca, što Litva i Biełaruś padpisali pahadnieńnie ab sproščanym pierasiačeńni miažy. Zaraz čakajecca zaviaršeńnie ŭnutranych pracedur z boku Biełarusi, paśla čaho žychary abiedźviuch krain zmohuć lahčej pierasiakać miažu.

Pasolstva Litvy ŭ Minsku pracuje biez nadzvyčajnaha i paŭnamocnaha pasła z kanca 2012 hoda, kali raniejšy kiraŭnik dypmisii Linas Linkiavičus byŭ pryznačany ministram zamiežnych spraŭ Litoŭskaj Respubliki.

Novy pasoł Litvy ŭ Biełarusi 46-hadovy Evałdas Ihnatavičus płanuje prybyć u Minsk na nastupnym tydni, paśla vielikodnych kanikuł. Pavodle dekreta litoŭskaha prezidenta, vykanańnie svaich abaviazkaŭ pasoł pavinien pačać 8 krasavika.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH