U Biełarusi 1 krasavika 2013 hoda ŭstanoŭlena taryfnaja staŭka pieršaha razradu dla apłaty pracy rabotnikaŭ biudžetnych arhanizacyj i inšych arhanizacyj, jakija atrymlivajuć subsidyi, rabotniki jakich pryraŭnavanyja pa apłacie pracy da rabotnikaŭ biudžetnych arhanizacyj, u pamiery 250 tys. rubloŭ.
Adpaviednaje rašeńnie ŭtrymlivajecca ŭ pastanovie Savieta ministraŭ ad 29 sakavika 2013 hoda № 226.
Hetaj ža pastanovaj ustanoŭleny karektujučyja kaeficyjenty da raźličanych pa Adzinaj taryfnaj sietcy rabotnikaŭ Biełarusi (ATS) taryfnych staŭkach (akładach) rabotnikaŭ biudžetnych arhanizacyj, što taryfikujucca 1–27 razradami, u pamierach 3,50–1,00.
Respublikanskim orhanam dziaržkiravańnia, miascovym vykanaŭčym i rasparadčym orhanam, kiraŭnikam biudžetnych arhanizacyj i inšych arhanizacyj, jakija atrymlivajuć subsidyi, rabotniki jakich pryraŭnavanyja pa apłacie pracy da rabotnikaŭ biudžetnych arhanizacyj, «nieabchodna zabiaśpiečyć pieraraźlik zarabotnaj płaty rabotnikaŭ u adpaviednaści z ustanoŭlenaj taryfnaj staŭkaj pieršaha razradu i kaeficyjentami ATS z ulikam karektujučych kaeficyjentaŭ», havorycca ŭ dakumiencie.
Papiaredni raz taryfnaja staŭka pieršaha razradu była pavyšanaja ŭ Biełarusi 1 studzienia 2013 hoda da 240 tys. rubloŭ.
