Ciaham piaci miesiacaŭ u ścienach BDUIR prachodziać biaspłatnyja adukacyjnyja kursy pa najbolš papularnych kirunkach prahramavańnia. Aŭtarami idei i realizacyi prajektu pad nazovam course.by vystupili dva studenty hetaha ž univiersiteta, jakija ŭ peŭny momant admovilisia ad pracy na bujnyja karparacyi i vyrašyli, što samy čas stvarać svajo.Hetuju ideju jany ciapier prasoŭvajuć siarod dziasiatkaŭ słuchačoŭ svaich kursaŭ, jakija pravodziacca ŭ biźnies-inkubatary BDUIR.
Adzin z stvaralnikaŭ biaspłatnaha adukacyjnaha prajektu course.by Filip Dajneka. Zaraz navučajecca na 5-m kursie. Pracavać pačaŭ na druhim kursie. Ale ŭžo ŭ hety čas źjaviłasia žadańnie stvarać niešta ŭłasnaje i karysnaje. Pačaŭ šukać siabie i kinuŭ pracu, bo zrazumieŭ, što marnuje čas. Zhaniaŭ u Štaty – viarnuŭsia:
«Dzieści na šlachu zrazumieŭ, što Biełarusi nie budzie bieź biełaruskaj movy.Užo trochu bolš za hod razmaŭlaju pa-biełarusku», – raspaviadaje Filip. Vykładańnie na kursach dla Filipa – mahčymaść davieści ideju svabody, jakuju daje prafiesija prahramista, i, naturalna, prasoŭvańnie biełaruskaj movy.
Inšy trenier kursaŭ, Roma Andryjanaŭ, pracavaŭ peŭny čas u IT-kampanii, zarablaŭ niamała. Nadakučyła. Zaraz imkniecca da dziejnaści, jakaja prynosić asałodu, bo ličyć, što tolki tak možna vykarystoŭvać svoj patencyjał:
«Ščaście – zajmacca lubimaj spravaj, i niachaj jana ciabie jašče i kormić», – uśmichajecca Raman.
U course.by dla Ramana važna samarealiłzacyja jak asoby.
«Pačynałasia ŭsio vielmi sumburna, nie było hatovaj idei. My pryjšli ŭ dekanat, i skazali, što chočam zajmacca spravaj, – uzhadvaje Roma.– Zaraz asnoŭnaja fiłasofija kursu – rabić štości svajo».
Ad pačatku ŭ chłopcaŭ nie było niejkich kankretnych metaŭ. Usio razumieńnie i ŭnutranaje adčuvańnie spravy pryjšło ź ciaham času:
«Ty sam unutry nie taki, ty nie vieryš u toje, što pravilna rychtavać ludziej i pradavać ich kampanii. My sami nie vierym u toje, što treba iści pracavać na kahości. Tamu što prafiesija prahramista daje šmat mahčymaściaŭ stvarać što zaŭhodna», – razvažaje Filip.
Tut možna atrymać viedy pa takich kirunkach jak Web-design, Javascript, testavańnie PZ, HTML5. Viaduć zaniatki ŭ biźnies-inkubatary BDUIR piaciora vykładčykaŭ, dva ź jakich (Roma i Filip) vykładajuć pa-biełarusku. A z 1 krasavika ŭ Inkubatary startuje pieršy nabor na novy kurs UNIX and GNU/Linux ź jašče adnym biełaruskamoŭnym vykładčykam.Na praciahu ŭsich piaci miesiacaŭ kursy karystajucca vialikim popytam, i majuć stałych naviedvalnikaŭ. Zbolšaha heta studenty BDUIR, ale naviedvajuć course.by i školniki, i ludzi bolš stałaha ŭzrostu.
Pa chodu zaniatkaŭ adbylisia źmieny: ciapier akramia navučańnia pačali praktykavać startap-harbatu, dzie naviedvalniki mohuć padzialicca svaimi idejami dy zacikavić inšych udzielnikaŭ svaimi prajektami, kab pracavać i rabić vynikovy pradukt kamandaj.
«Jašče adna meta course.by – stvaryć niejki karysny prajekt paśla zakančeńnia. Kab kožny, chto naviedvaje zaniatki, štości sapraŭdnaje zrabiŭ», – kaža Filip.
Kursy dahetul adkrytyja dla ŭsich. Kab trapić na ich, dastatkova zajści na sajt prajektu i vybrać toje, što padabajecca najbolš.