Na asnovie analizu najaŭnaj u Minsku situacyi z kradziažami prakuratura horada inicyjuje šerah prapanoŭ u adras Minharvykankama i hramadzian.
Jak paviedamiŭ staršy pamočnik prakurora Minska Siarhiej Bałašaŭ, za dva miesiacy 2013 hoda ŭ stalicy zarehistravana 1.796 kradziažoŭ, što na 21,4% mienš, čym za anałahičny pieryjad 2012 hoda. Ale ŭ prakuratury vyklikaje tryvohu toj fakt, što
značnuju ŭdzielnuju vahu ŭ hetym masivie złačynstvaŭ składajuć kradziažy z aŭtamašyn i kišennyja kradziažy.Tak, naprykład, za dziažurnyja sutki 26—27 sakavika było zarehistravana 27 kradziažoŭ, ź jakich 11 — z aŭtamašyn, 12 — kišennyja.
Pavodle słoŭ Bałašava,
prakuratura prapanoŭvaje Minharvykankamu razhledzieć pytańnie ab ustanoŭcy kamier videanazirańnia ŭ dvarach žyłych damoŭ i nadalej praduhledzieć ustanoŭku takich sistem na etapie budaŭnictva i prajektavańnia žyłoha siektara.
Aŭtaŭładalnikam prakuratura nastojliva rekamienduje ŭ metach papiaredžańnia kradziažoŭ z aŭtatranspartu arhanizavać paźmiennaje dziažurstva na dvarovych aŭtastajankach.
Što da prafiłaktyki kišennych kradziažoŭ, to tut, jak adznačyŭ Bałašaŭ, prakuratura ŭ pieršuju čarhu zaklikaje da pilnaści samich hramadzian, jakija časta stanoviacca achviarami złačynstvaŭ z-za svajoj biesturbotnaści i niaŭvažlivaści.
0
0
0
0
0
0