Lidar hurtu «J:mopc» Uładzimir Puhač zapisaŭ ekśpierymientalny prajekt «Nafta», prezientacyja jakoha adbudziecca 18 krasavika ŭ minskim kłubie Re:public. Pieršyja 500 achvotnych zmohuć pryjści na kancert biaspłatna.
Muzyčnaja kancepcyja «Nafty» vychodzić za pryvyčnyja standarty hučańnia «J:mopc». Muzykanty sabralisia razam, kab na niejki čas zabyć ab farmatach, ramkach, patrabavańniach rynku i čakańniach prychilnikaŭ.
«Nafta» — prajekt ekśpierymientalny, — raskazvaje Puhač. — U pracesie pracy nie było ni zahadzia ŭstanoŭlenych stylistyčnych miežaŭ, ni terminaŭ dla relizu. Nie było taksama ni abaviazacielstvaŭ, ni pradziusaraŭ. My płyli pa ciačeńni, nie napružvajučysia i nie adciahvajučysia ad studyjnaj pracy. Čystaja tvorčaść! Muzykanty ŭ studyi nie śpiašajučysia tvaryli što chacieli ŭ svajo zadavalnieńnie. Časta pieśni źjaŭlalisia ŭ pracesie impravizacyj, časam ja prynosiŭ vielmi syryja zahatoŭki, navat nie padazrajučy, u što jany ŭ vyniku transfarmujucca».
Premjera prajekta adbudziecca ŭžyvuju, bo pieršapačatkova jon zadumvaŭsia jak kancertny.
Piesień «Nafty» chapaje dla poŭnafarmatnaha alboma, adnak udzielniki prajekta naŭmysna nie anansujuć datu relizu, bo ŭ luby momant moža źjavicca štości jašče.
«Nazva «Nafta» źjaviłasia vypadkova, — padzialiŭsia Puhač. — Siabry, zacikaviŭšysia, čaho heta ja sutkami prapadaju ŭ studyi, spytali, što za novy prajekt i čym jon adroźnivajecca ad «J:mopc». Ja adkazaŭ, što heta chutčej nie mors, a nafta. Tak i atrymałasia «Nafta».
«Nafta», padkreślivaje Puhač, nie źjaŭlajecca solnaj rabotaj. U peŭnym sensie heta supierhurt, udzielnikami jakoha stali muzykanty, što daŭno realizavali siabie ŭ roznych prajektach.Ź imi Puhač daŭno chacieŭ prapracavać
U padtrymku prajekta abjaŭlena akcyja — pieršyja 500 naviedvalnikaŭ mohuć pryjści na kancert biaspłatna.
Kab atrymać «kantramarku», na staroncy http://naftamusic.by/ u formie rehistracyi treba napisać imia i proźvišča, a taksama zahruzić fotazdymak.Paśla ŭchvały maderataram vaš fotazdymak źjaŭlajecca na sajcie ŭ vyhladzie avatarki. Da kanca akcyi sajt pieratvorycca ŭ pałatno z 500 avatarak.