Łukašenka: Ja pryjechaŭ z dalokaha i niaprostaha rehijona 4

Raźvićcio vajennaha składnika ADKB i situacyja ŭ jaje zonie adkaznaści byli abmierkavanyja 28 sakavika na sustrečy Alaksandra Łukašenki z hienieralnym sakratarom Arhanizacyi Damovy ab kalektyŭnaj biaśpiecy Mikałajem Bardziužam.

«My na pravilnym šlachu. Ja pryjechaŭ z dalokaha i niaprostaha rehijonu Paŭdniova-Uschodniaj Azii. Viedučy pieramovy, sustrakajučysia sa słužbovymi asobami, ja adznačaŭ, što ŭsio ŭsiudy z honaram kažuć pra toje, što abjadnoŭvajucca ŭ sajuzy, pakul handlovyja, handlova-ekanamičnyja.

Ale kali jość supolnyja intaresy, to nie daloki toj čas, kali im daviadziecca (palityka, naturalna, varta za ekanomikaj) previentyŭna abaraniać ułasnyja intaresy i vajennym čynam», — skazaŭ Alaksandr Łukašenka.

«Tamu ŭvieś śviet abjadnoŭvajecca ŭ takija arhanizacyi, nie tolki ŭ rehijonie Paŭdniova-Uschodniaj Azii, — praciahnuŭ Łukašenka. — Budučy ŭžo ŭ rehijonie Piersidskaha zalivu, sustrakajučysia sa słužbovymi asobami, ja ad ich toje ž samaje čuŭ, što krainy Zalivu damaŭlajucca, u ich ahulnaja mytnaja prastora, adzinaja ekanamičnaja palityka. Nu, a jak krainy Zalivu ŭmiejuć kalektyŭna abaraniacca, my ŭžo heta bačyli na prykładzie Bachrejna. Kali situacyja ŭskładniłasia, Saudaŭskaja Aravija dapamahła, dyj inšyja krainy».

«Ja heta kažu pra toje, što nam niama čaho saromiecca kazać pra toje, što ŭ nas jość vajennaja arhanizacyja i my budziem usialak jaje ŭmacoŭvać. Dumaju, pad hetym łozunham pavinna prajści i naša niefarmalnaja sustreča ŭ Kyrhyzstanie», — adznačyŭ Łukašenka.

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH