U ratušy Vindzar adkrylisia aficyjnyja koranierskija słuchańni pa spravie ab śmierci Barysa Bierazoŭskaha.
Na pieršym pasiadžeńni byli zasłuchany dva śviedki. Hałoŭny inśpiektar palicejskaha adździaleńnia akruhi Temza-Veli Tom Uistł paviedamiŭ, što cieła Bierazoŭskaha znachodziłasia na padłozie ŭ vannaj, jaho šyja była abvita piatloj.
Kavałak šnura z takoha ž materyjału byŭ pryviazany da dušavoj belki. Śledstva nie vyklučaje viersiju pra hvałtoŭnuju śmierć aliharcha.
Zrešty, pakul, pa słovach inśpiektara, niama nijakich padstavaŭ mierkavać pra padazronyja abstaviny śmierci biznesmena.Viersija ab hvałtoŭnaj śmierci moža być całkam vyklučanaja paśla praviadzieńnia ŭsich nieabchodnych analizaŭ.
Taksama ŭskryćcio pakazała, što ŭ Bierazoŭskaha byŭ pierałom rabra.
***
Rasijski binesmien Barys Bierazoŭski byŭ znojdzieny miortvym 23 sakavika ŭ svaim domie pad Łondanam.
0
0
0
0
0
0
