Byłoha premjer-ministra Italii Silvia Bierłuskoni prysudzili da hoda turmy pa spravie ab niezakonnaj publikacyi telefonnych pieramovaŭ pamiž jaho palityčnym apanientam i kiraŭnikom strachavoj hrupy Unipol.
Čakajecca, što palityk u bližejšy čas abskardzić prysud. Pry hetym pakul jon znachodzicca na voli.
Sud pahadziŭsia z dovadami śledstva, jakoje śćviardžała, što eks-premjer rasparadziŭsia apublikavać razdrukoŭku pieramovaŭ u haziecie, jakuju jon uznačalvaje jaho małodšy brat Paoła Bierłuskoni.
Apošni taksama atrymaŭ termin - dva hady i try miesiacy pazbaŭleńnia voli.
Paśla publikacyi hetych pieramovaŭ u 2005 hodzie sarvałasia ŭhoda pa nabyćci italjanskaj strachavoj hrupaj Unipol banka BNL, čaho dabivaŭsia Bierłuskoni.
Silvia Bierłuskoni prachodzić ciapier abvinavačanym i pa inšaj spravie, pa jakoj jon abvinavačvajecca ŭ seksie ź niepaŭnaletniaj prastytutkaj Karymaj Machruh (Rubi).
0
0
0
0
0
0
