«Važnym elemientam ideałohii» nazvaŭ spartyŭnuju śfieru pamočnik prezidenta pa pytańniach fizičnaj kultury, sportu i raźvićcia turyzmu Maksim Ryžankoŭ.
Na pres-kanfierencyi 6 sakavika ŭ Minsku jon adznačyŭ, što havorka nie idzie pra ideałohiju ŭ savieckim razumieńni hetaha słova. Sport źjaŭlajecca važnym składalnikam «farmiravańnia mižnarodnaha imidžu dziaržavy» i «samym niepasrednym čynam upłyvaje na sacyjalna-palityčnuju situacyju».
Na dumku Ryžankova, pośpiechi i niaŭdačy ŭ sporcie abumoŭlivajuć staŭleńnie nasielnictva da ŭłady, dziaržavy i prezidenta.
Pamočnik paviedamiŭ ab praviadzieńni najbližejšym časam sacyjałahičnaha apytańnia nasielnictva na pradmiet vyjaŭleńnia spartyŭnych pieravah. Ankiety raspracoŭvajucca Infarmacyjna-analityčnym centram pry Administracyi prezidenta. Heta, pavodle słoŭ Ryžankova, pavinna dapamahčy pry stvareńni spartyŭnaha kanała, «pryncypovaje rašeńnie» ab čym užo pryniata. Kanał budzie stvaracca ŭ supracoŭnictvie z jakim-niebudź zamiežnym kanałam, u jakoha ŭžo jość pravy na tranślacyi mižnarodnych top-spabornictvaŭ. Pastupova ajčynny kanał budzie napaŭniacca tranślacyjami ajčynnych turniraŭ. Da pracy buduć zaprašacca žurnalisty «niezaležnych i dziaržaŭnych ŚMI».
BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
