«Biełaruś — heta žančyna». Sustreča z žonkami biełaruskich palitviaźniaŭ

U vas budzie mahčymaść paznajomicca ź vielmi śmiełymi žančynami, žonkami byłych i ciapierašnich biełaruskich palitviaźniaŭ. Dziakujučy ich sile, rašučaści i štodzionnaj baraćbie ich siemji mohuć vytrymać ciažki čas, kali jany nie mohuć być razam.

Śpiecyjalna na hetuju sustreču ź Minska pryjeduć Maryna Adamovič i Nasta Daškievič, žonki Mikałaja Statkieviča i Źmitra Daškieviča, apazicyjanieraŭ, jakija ŭsio jašče znachodziacca ŭ turmie. Jany raskažuć pra svaich rodnych dy mužoŭ, pra ŭmovy, u jakich jany ŭtrymlivajucca, a taksama pra cisk, jakomu jany padviarhajucca, i kampanii salidarnaści sa Statkievičam i Daškievičam, u jakich udzielničajuć žančyny.

Volha Bandarenka, žonka Źmitra Bandarenki, kaardynatara hramadzianskaj kampanii «Jeŭrapiejskaja Biełaruś», vyzvalenaha z papraŭčaj kałonii ŭ krasaviku 2012 hoda, i Darja Korsak, žonka Alaksandra Atroščankava, pres-sakratara Andreja Sańnikava, jaki pravioŭ bolš za dzieviać miesiacaŭ u turmie, raskažuć pra toje, jak zmahalisia za svaich mužoŭ i jak pieražyli hety ciažki čas.

Kanfierencyja z udziełam žonak palityčnych źniavolenych adbudziecca ŭ Biełaruskim domie ŭ Varšavie (ul. Wiejska 13/3) a 13-j hadzinie. Sustreču budzie maderavać jeŭradeputat, doktar Marak Mihalski.

A 17-j zaprašajem na Krakaŭskaje pradmieście ŭ Varšavie, dzie pobač z kaściołam sv. Hanny adbudziecca pikiet salidarnaści z palityčnymi źniavolenymi z udziełam apazicyjanieraŭ, byłych palitviaźniaŭ i pradstaŭnikoŭ biełaruskich arhanizacyj u Varšavie.

Arhanizatary — Ofis jeŭradeputata Marka Mihalskaha i Biełaruski dom u Varšavie. Patranat — Biełsat TV.

0

0

0

0

0

0