Padčas sioletniaj viasnovaj pavodki jość vierahodnaść padtapleńnia žyłych i vytvorčych budynkaŭ 40 rajonaŭ Biełarusi.Pra heta paviedamiŭ namieśnik načalnika Respublikanskaha centra kiravańnia i reahavańnia na nadzvyčajnyja situacyi Ministerstva pa nadzvyčajnych situacyjach Dźmitryj Plavaka 6 sakavika na
Pavodle jaho słoŭ, bolš za ŭsio abjektaŭ moža być padtoplena ŭ Homielskaj vobłaści, u niebiaśpiečnaj zonie znachodziacca rajony Bresckaj, Viciebskaj, Mahiloŭskaj abłaściej. Minimum padtapleńniaŭ čakajecca ŭ Minskaj i Hrodzienskaj abłaściach. U pryvatnaści, jość vierahodnaść padtapleńnia prykładna 120 nasielenych punktaŭ, 60 učastkaŭ daroh, pryblizna 20 sadovych tavarystvaŭ i 19 mastoŭ.
Jak paviedamiŭ Plavaka, na siońnia ŭžo zarehistravany padtapleńni troch žyłych damoŭ, 11 padvorkaŭ, 15 dačnych učastkaŭ u Pietrykaŭskim, Mazyrskim i Žytkavickim rajonach Homielskaj vobłaści.
Jak paviedamiŭ namieśnik načalnika Respublikanskaha hidramietearałahičnaha centra Anatol Pališčuk, masavy kryhałom na rekach adbudziecca ŭ kancy sakavika — pačatku krasavika. Uzrovień vady čakajecca na 60 sm vyšej za siarednija šmathadovyja značeńni, a dla basiejna raki Prypiać — na 120 sm.
«Heta budzie nievialikaja niestandartnaja pavodka sioleta, u pieršuju čarhu za košt taho, što dastatkova vialikaja kolkaść śniehu», — skazaŭ pradstaŭnik hidramieteacentra. Pry hetym, pavodle jaho słoŭ, u basiejnach roznych rek zapas śniehu adroźnivajecca. Kali ciapier u Lelčycach hłybinia śniežnaha pokryva składaje 0,5 sm, to ŭ Jeziaryščy — 41 sm. Jak skazaŭ dyrektar departamienta pa hidramietearałohii Ministerstva pryrodnych resursaŭ i achovy navakolnaha asiarodździa Aleh Maksiuta, raka Prypiać na siońnia ŭžo vyzvaliłasia ad lodu. Praktyčna paŭsiudna vada znachodzicca na pojmie. Pavodle źviestak na 5 sakavika, u dvuch punktach na Prypiaci — Černičy i Pietrykaŭ — uzrovień vady dasiahnuŭ niebiaśpiečnych adznak, u Mazyry — padyjšoŭ da niebiaśpiečnych adznak.
Uzrovień viasnovaj pavodki na bolšaści rek siońnia blizki da normy abo krychu jaje pieravyšaje, adznačyŭ Maksiuta. Jość reki, jakija vyzvalilisia ad ledzianoha pokryva, u tym liku i Nioman, na jakim sioleta ledachodu nie čakajecca.
Jak padkreśliŭ Maksiuta, nadalej raźvićcio pavodki budzie vyznačacca ŭmovami nadvorja. Tak, družnaja viasna sadziejničaje šyrokamu raźlivu rek, u toj čas jak zaciažnoje raźvićcio viasnovych pracesaŭ strymlivaje pavodku. Zhodna z papiarednimi prahnozami, družnaj viasny ŭ najbližejšyja tydni nie čakajecca.
