Vypusknyja viečary dla vučniaŭ XI (CHII) kłasaŭ rekamiendujecca pravieści 10–12 červienia.Dakumient ab zaviaršeńni 2012/2013 navučalnaha hoda, praviadzieńni vypusknych ekzamienaŭ, pryjomu na konkursnaj asnovie ŭ asobnyja ŭstanovy adukacyi dla atrymańnia bazavaj adukacyi, siaredniaj adukacyi nakiravany va ŭsie navučalnyja ŭstanovy krainy, paviedamili ŭ
Tut adznačyli, što vypusknyja viečary projduć tradycyjna na bazie škoł, himnazij, licejaŭ. Administracyjam ustanoŭ adukacyi, pradstaŭnikam baćkoŭskaj i vučnioŭskaj hramadskaści, apiakunskim savietam pa piśmovamu ŭzhadnieńniu z administracyjami rajonaŭ pradastaŭlena prava vyznačać čas zakančeńnia vypusknych viečaroŭ.
Sioleta nijakich novaŭviadzieńniaŭ u arhanizacyi i praviadzieńni mierapryjemstva nie płanujecca. Farmat praviadzieńnia viečaroŭ budzie tradycyjnym.Pieravažna viečary arhanizujucca va ŭstanovach adukacyi. Pa tradycyi ŭdzieł u viečarach prymuć pradstaŭniki zakanadaŭčaj i vykanaŭčaj ułady, hramadskich abjadnańniaŭ, šefskich arhanizacyj. Vialikaja ŭvaha ŭ hety čas budzie ŭdzielena zabieśpiačeńniu achovy hramadskaha paradku i biaśpieki ŭdzielnikaŭ mierapryjemstvaŭ. U krainie budzie naładžana dziažurstva ŭ čas praviadzieńnia vypusknych viečaroŭ dla padtrymańnia hramadskaha paradku i zabieśpiačeńnia biaśpieki navučencaŭ.
Płanujecca, što praces praviadzieńnia vypusknych ekzamienaŭ, afarmleńnia adpaviednych dakumientaŭ, a taksama vypusknyja viečary projduć da 12 červienia ŭklučna, bo pa hrafiku pieršy ispyt centralizavanaha testavańnia (pa biełaruskaj movie) pačniecca 14 červienia.
U hetym navučalnym hodzie bazavuju škołu zakančvajuć bolš jak 86 tys. junakoŭ i dziaŭčat, siaredniuju škołu — bolš jak 59 tys. vypusknikoŭ.
0
0
0
0
0
0
