Pieciarburžac vyvoziŭ dziaŭčat z Mahilova dla prystytucyi 3

U Mahilovie 2 sakavika zatrymany žychar Sankt-Pieciarburha, jaki vioz u paŭnočnuju stalicu Rasii mahilaŭčanak z metaj sieksualnaj ekspłuatacyi.

Jak paviedamiłaaficyjny pradstaŭnik upraŭleńnia Śledčaha kamiteta pa Mahiloŭskaj vobłaści Aksana Salaniuk, zatrymany sam źjaŭlajecca vychadcam Mahiloŭščyny. U Sankt-Pieciarburhu jon žyvie ŭžo niekatory čas i, pavodle papiarednich danych, nidzie nie pracuje.

U svajo čarhovaje naviedvańnie Mahilova, kudy mužčyna pryjechaŭ ź dźviuma mahilaŭčankami, jakija ŭžo zajmalisia prastytucyjaj u Rasii, jamu atrymałasia zavierbavać jašče dźviuch dziaŭčat.

Jany, pasłuchaŭšy raskazy pra lohkija zarobki ŭžo «spraktykavanych» ziamlačak, pahadzilisia vyjechać u Rasiju dla prastytucyi. Adnak płany nie atrymałasia realizavać dziakujučy dziejańniam supracoŭnikaŭ pravaachoŭnych orhanaŭ, jakija, atrymaŭšy apieratyŭnuju infarmacyju, spynili aŭtamabil pieciarburžca z čatyrma dziaŭčatami.

Jak ličać u Śledčym kamitecie, nie vyklučana, što raniej zatrymanym byli zavierbavanyja i inšyja žančyny.

Raspačata i rasśledujecca kryminalnaja sprava pa artykule «zamach na vykarystańnie prastytucyi ci stvareńnie ŭmoŭ dla prastytucyi».

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH