Na pasiedžańni arhkamiteta pa adznačeńni Dnia Voli, što adbyłosia ŭ Minsku 1 sakavika, zaćvierdzili kančatkovy varyjant hrafičnaj vyjavy, jakaja budzie azdablać śviatočnyja mierapryjemstvy, pryśviečanyja 25 Sakavika. Pra heta paviedamlaje sajt ruchu «Za Svabodu».
Nahadajem, što arhanizatary śviatkavańnia Dnia Voli padali zajaŭku ŭ Minharvykankam na praviadzieńnie vuličnaj akcyi ŭ niadzielu 24 sakavika.
Zbor zapłanavany a 12-j hadzinie kala hałoŭnaha ŭvachodu ŭ Bataničny sad. Šeście płanujecca pravieści pa praśpiekcie Niezaležnaści, vulicy Surhanava da płoščy Banhałor. Tam a 14-j hadzinie pačniecca mitynh.
Zajaŭku padpisali pradstaŭniki Partyi BNF, ruchu «Za svabodu», arhkamiteta pa stvarenini Partyi BCHD i Abjadnanaj hramadzianskaj partyi.
Asnoŭnymi łozunhami sioletniaha Dnia Voli buduć «Abarona niezaležnaści!» i «Svaboda palitviaźniam!».