1 sakavika viadomy tvorčy duet «Alaksandra i Kanstancin» prezientavaŭ u Minsku svoj novy, užo čaćviorty, poŭnafarmatny dysk pad nazvaj «M1». Nazvu albomu dała instrumientalnaja kampazicyja Road M1 («Trasa M1»).
Muzykanty dueta zaŭsiody ŭ darozie: na hastrolach, u pajezdkach da rodnych i siabroŭ albo ŭ padarožžach. Ruch — heta žyćcio, u ruchu naradžajecca muzyka, stvarajucca vieršy, uźnikaje pryhožaja karcina aranžyroŭki.
Dysk uklučaje 14 trekaŭ. Jaho muzyka davoli raznastajnaja: pieśni na biełaruskaj, ruskaj i anhlijskaj movach, a taksama instrumientalnyja kampazicyi. Kožnaja pieśnia samadastatkovaja, ale razam z tym usie tvory ŭtvarajuć jarki vianok, napoŭnienyja ŭsimi kolerami i adcieńniami biełaruskaj aŭtentyki, kantry, džaza, rehi. U albom uvajšli jak novyja pieśni, tak i tyja, što vyjšli na sinhle «Maślenica».
