Internet-aktyvisty abviaścili kampaniju da Mižnarodnaha dnia rodnaj movy. Achvotnym prapanujecca «nieznarok» zabycca ci demanstratyŭna pakinuć knižku na biełaruskaj movie ŭ hramadskim transparcie, a zdymki zakinuć u sacyjalnyja sietki.
U abviestcy, apublikavanaj supołkaj Art Siadziba havorycca: «21 lutaha vaźmicie z saboju knihu na BIEŁARUSKAJ MOVIE i pakińcie jaje ŭ mietro, aŭtobusie, tramvai ci lubym inšym hramadskim transparcie ŭ lubym kutku Biełarusi. Kali vy ŭbačycie ci sami pakiniecie knihu, to fotkajcie jaje».
Sfatahrafavanuju pabačanuju ci pakinuju knihu prapanujecca publikavać u albomie Vkontaktie, dasłać na paštovuju skryniu ci apublikavać u twitter, instagram, vk, facebook dy inšych sietkach z chešteham #mova21.
Pavodle arhanizataraŭ, kampanija zaachvocić ludziej da čytańnia biełaruskamoŭnaj litaratury i ŭvohule pryciahnie ŭvahu da stanu biełaruskaj movy ŭ Biełarusi.
