Pieršaja minskaja «Mova ci kava» sabrała sto čałaviek dadałosia videa 23

Ahułam sabrałosia kala sta čałaviek roznych prafiesij. Siarod movacikaŭcaŭ była navat biełaruskamoŭnaja japonka Sijory.

Vieści zaniatki ŭ Minsku buduć fiłołah Alesia Litvinoŭskaja i žurnalist Hleb Łabadzienka. Na adkryćcio kursaŭ zavitaŭ Vasil Drańko-Majsiuk. (Stajać kala ściany źleva naprava.)

Na zaniatak prychodzili siemjami. Na zdymku maci i dačka raskazvajuć adna pra adnu.

Kaciaryna Kibalčyč skazała — Kaciaryna Kibalčyč zrabiła: 18 lutaha ŭ Minsku adbyŭsia pieršy zaniatak biaspłatnych moŭnych kursaŭ «Mova ci kava».

Spačatku płanavałasia, što kursy buduć prachodzić u sierady, i pieršy zaniatak byŭ zapłanavany na 20 lutaha, ale arhanizatary vyrašyli sinchranizavać zaniatki ŭ Maskvie i Minsku i zrabić paniadziełki dniom cikavaj movy ŭ kaviarni.

Miesca praviadzieńnia kursaŭ taksama źmianiłasia, pryčym u apošni momant: kaviarnia «Dom Fišera» akazałasia niazdolnaj źmiaścić usich achvotnych, i za niekalki hadzin da pačatku placoŭkaj dla sustrečy pryjšłosia znajści bolš umiaščalnaje pamiaškańnie

Ale niahledziačy na toje, što niekatoryja daviedalisia pra źmienu łakacyi ŭžo na ŭvachodzie ŭ «Dom Fišera», u pieršaj sustrečy uziali ŭdzieł kala 100 čałaviek.

Pravodzić zaniatki ŭ Minsku buduć fiłołah Alesia Litvinoŭskaja i žurnalist Hleb Łabadzienka.

Taksama anansavałasia, što čas ad času na «Movu ci kavu» budzie zavitvać lidar hurtu «Recha» Andruś Takidanh. Na žal, 18 lutaha jaho nie było. Zatoje na ŭračystaje adkryćcio z stalicy Rasii pryjechała sama aŭtarka idei kursaŭ Kaciaryna Kibalčyč, a taksama akcior Vasil Drańko-Majsiuk, jaki pravodzić «Movu ci kavu» ŭ Maskvie.

«U nahach praŭdy niama, tamu zaprašaju ŭsich prysieści», — pačaŭ viečar Hleb Łabadzienka.

«Chto nie sieŭ, chaj siadzie…« — zała hučna zarahatała. «Nu dobra, chaj prysiadzie, vyražajučysia bolš mietafaryčna».

Łabadzienka akazaŭsia cudoŭnym viadučym. Jon trymaŭ uvahu aŭdytoryi na praciahu ŭsiaho viečara, bieśpierapynna žartavaŭ i zapaŭniaŭ niajomkija paŭzy.

Potym Vasil Drańko-Majsiuk z ułaścivym jamu artystyzmam matyvavaŭ sabranych: «Paśla maskoŭskich zaniatkaŭ navat aficyjanty ŭ kaviarni vyvučyli movu! Padychodziać, pytajucca: «Vam harbatu ci kavu?». Kab zapeŭnić, što movu možna vyvučyć u kožnym vieku, Drańko-Majsiuk pryvioŭ prykład biełaruskaha fiłosafa Valancina Akudoviča, jaki «da 30 hadoŭ uvohule nie razmaŭlaŭ pa-biełarusku, ale paśli piacihadovaj praktyki pačaŭ razmaŭlać lepš, čym chto».

Navički-studenty, jak i novanarodžanyja, adrazu atrymali łaskavaje biełaruskaje imia.

Uładzimiry stali Uładziami, Adełaidy — Adelami, Volhi — Valžynami. Alesia Litvinoŭskaja raskazała cikavuju historyju pra toje, što nasamreč jana źjaŭlajecca pieršaj «sapraŭdnaj» Alesiaj u Biełarusi, bo jaje baćka kaliści «vybiŭ» u savieckich čynoŭnikaŭ prava aficyjna zapisać imia dački ź pieršaj litaraj «a» — u śpisach imionaŭ narodaŭ SSSR jano pisałasia praz «o».

Paśla «sumoŭniki» raźbilisia na pary i ciaham piaci chvilin vyśviatlali adno ŭ adnaho, chto jany i što pryviało ich na «Movu ci kavu».

Vałancioraŭ zaprasili pradstavić svajho partniora.

Vyśvietliłasia, što ludzi na zaniatak pryjšli vielmi roznyja: byli i studenty, i markietołahi, i supracoŭnica ankałahičnaha centra, i biespracoŭnyja, i žurnalisty, i navat čałaviek, jaki zajmajecca kapańniem kałodziežaŭ.

Historyi i matyvacyi ŭ hetych ludziej taksama samyja raznastajnyja: niechta moža skazać pa-biełarusku tolki niekalki słovaŭ, bo nie vučyŭ movy. Niechta pachodzić ź biełaruskamoŭnaj siamji i razmaŭlaje pa-biełarusku ŭsio žyćcio. Bolšaść viedaje movu, ale niezadavolena ŭzroŭniem svaich viedaŭ.

«Ja razmaŭlaju pa-biełarusku nie tak daŭno. Nasamreč, ja razumieła, što pa-anhlijsku razmaŭlaju lepš, čym pa-biełarusku. Tamu pačała šukać supołku dla praktyki, ale nie źviazanuju z jakoj-niebudź palityčnaj dziejnaściu. Znajšła abjavu ŭ internecie, i mnie vielmi spadabałasia ideja», — raskazvaje Marysia, žurnalistka. Z Marysiaj na zaniatak pryjšła siabroŭka Kasia, bijołah. «Mnie soramna, što ja viedaju biełaruskuju tak drenna, tamu siońnia ja tut», — kaža jana.

Hieahrafija ŭdzielnikaŭ taksama šyrokaja — chtości žyvie nie ŭ Minsku, chtości «razryvajecca» pamiž niekalkimi krainami. Ale ŭ zale prysutničali nie tolki jeŭrapiejcy — udzielničała ŭ «Movie ci kavie» i japonka (pryčym biełaruskamoŭnaja japonka!) Sijory, jakaja raptam pieratvaryłasia ŭ Zośku.

«Ja navučajusia ŭ mahistratury ŭ Japonii. Ciaham užo 10 miesiacaŭ vuču biełaruskuju i ruskuju ŭ BDU — maja mahistarskaja praca pryśviečana daśledavańniu moŭnaj situacyi ŭ Biełarusi. Ale mnie niama z kim praktykavacca ŭ biełaruskaj movie, tamu maja siabroŭka pryviała mianie siudy», — kaža Sijory-Zośka.

Paśla znajomstva byli ahučany asnoŭnyja praviły «Movy ci kavy»: razmaŭlać tolki pa-biełarusku; pryjazna i talerantna stavicca adno da adnaho; nie čapać na zaniatkach palityki; dapamahać adno adnamu. Słuchačy prapanavali i šerah svaich praviłaŭ.

Naprykład, vyklučać na zaniatkach huk telefonaŭ, a sa spoźnienych «spahaniać» biełaruski vierš.

Nijakich chatnich zadańniaŭ nie budzie. Adzinaje, što abaviazany rabić usie vučni- dzialicca adno z adnym cikavymi navinami i padziejami.

Rešty času chapiła na karotki ahlad budučych urokaŭ, cikavyja histaryčnyja źviestki pra movu, niekalki viasiołych praktykavańniaŭ, moŭnuju hulniu i chutkaje abmierkavańnie arhanizacyjnych momantaŭ.

Było vidać, što «movacikaŭcy» z radaściu vytrymali b jašče adzin 90-chvilinny zaniatak. Paśla pieršaj sustrečy niezadavolenych nie zastałosia.

Pakul ludzi razychodzilisia, Alesia Litvinoŭskaja padzialiłasia z «NN» svaimi čakańniami.

«Chaciełasia b, kab takija kursy ŭśled za Minskam adkrylisia i ŭ abłasnych centrach Biełarusi», — skazała jana.

Što tyčycca parady daśviedčanaha piedahoha, jak pačać razmaŭlać pa-biełarusku ŭ paŭsiadzionnym žyćci, Litvinoŭskaja cytuje Aleha Trusava: «Łupicie na trasiancy! Ja ŭžo kazała heta siońnia. Prosta pačynajcie razmaŭlać! Ź ciaham času pamyłki vypraviacca. I ni ŭ jakim razie nie saromiecca!»

Kursy «Mova ci kava» — vydatnaja mahčymaść pierastać saromiecca.

Da taho ž niazmušanaja, siabroŭskaja atmaśfiera nastrojvaje na pazityŭny ład, jakoha tak časta brakuje ŭ našym źniervavanym žyćci.

Kali vy žadajecie źviazacca z arhanizatarami kursaŭ «Mova ci kava», rabicie heta praz supołku ŭ Facebook.

Kiryła Chilko, videa Hanny Badziaka i Iryny Arachoŭskaj

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH