Łanskaja nie ŭziała pieśniu Kirkorava na «Jeŭrabačańnie»? 8

Pra toje, što rasijski śpiavak i pradusar Filip Kirkoraŭ prapanavaŭ svaju novuju pieśniu The story of love biełaruskaj udzielnicy «Jeŭrabačańnia» Alonie Łanskoj, piša sajt Heat.ru.

Kirkoraŭ dasłaŭ pieśniu na razhlad u biełaruski arhkamitet «Jeŭrabačańnia» napiaredadni Novaha hoda.

Pradstaŭnik arhkamiteta Dźmitryj Baranaŭ paćvierdziŭ, što Filip dasłaŭ svaju pieśniu, piša Heat.ru.

Baki damovilisia abmierkavać usie detali paśla viartańnia Kirkorava z Amieryki.

Adnak dniami Alona Łanskaja zapisała ŭ Łondanie try pieśni dla konkursu: Rhyzm of love, Soleo i Kiss me.

Pieśni Kirkorava siarod trekaŭ, padrychtavanych śpiavačkaj nie akazałasia.

Spasyłajučysia na «krynicy ŭ asiarodździ Alony Łanskoj», Heat.ru paviedamlaje, što śpiavačku nie zadavoliła pieśnia, prapanavanaja Kirkoravym.

Łanskaja nibyta paličyła jaje zanadta «mužčynskaj» i nieadpaviednaj svajmu vakału.

Adnoj z mahčymych pryčyn admovy ad «pasłuh» Kirkorava ŭ asiarodździ artystki nazyvajuć i niemałuju canu jaho pradziusarskaj dapamohi.

Paźniej D.Baranaŭ u hutarcy z kp.by skazaŭ, što nijakaj pieśni Kirkoraŭ nie prapanoŭvaŭ, a ich hutarka pra «Jeŭrabačańnie» «mieła tearetyčny charaktar».

Pa čutkach, u svoj čas udzieł rasijskaha «pop-karala» ŭ pradziusavańni Anžaliki Ahurbaš, jakaja pradstaŭlała Biełaruś na konkursie ŭ 2005 hodzie, jaje mužu-aliharchu Mikałaju Ahurbašu abyjšoŭsia amal u piać miljonaŭ dalaraŭ.

Paśla niaŭdałaha vopytu z Anžalikaj Ahurbaš u 2007 hodzie śpiavak znoŭ dapamahaŭ Biełarusi, napisaŭšy pieśniu dla śpievaka Dźmitryja Kałduna

i vyvieŭšy jaho ŭ finał konkursu — na šostaje miesca. Sam Kirkoraŭ tolki raz vystupaŭ na «Jeŭrabačańni» ad Rasii. Va ŭžo dalokim 1995 hodzie

Filip zaniaŭ na konkursie tolki 17-je miesca.

U hetym hodzie «Jeŭrabačańnie» projdzie ŭ Šviecyi — u Malmio.

Pieramohu hetaj krainie ŭ minułym hodzie ŭ Baku pryniesła šviedskaja śpiavačka Łaryn, čyj chit Euphoria ŭžo paŭhoda trymajecca na viaršyni jeŭrapiejskich chit-paradaŭ.